韓國自由行行程建議

我相信妳們是去首爾，唔識韓語不是很大問題，最緊要揾足資料，plan好個行程，怎樣搭車，去邊到食嘢等。

妳們可以安排去明洞嗰日搭南山纜車去N首爾塔，最好是黃昏至晚上時間，景色很美。

另外，仁寺洞亦是一處值得去的地方，如果妳們會去景福宮，可以在那天去埋，在仁寺洞街有一個商場叫Ssamziegil，相信會啱妳哋兩個女仔。

梨大，應該都會啱妳哋。

Coex Mall，妳哋有冇想過去呢？

63大厦，去不去就很難說，我去過一次，但之後我都沒有再去了。

不知妳們主要想購物還是看景色，所以介紹以上比較大路的地方，妳可以定咗個初步行程，然後post上來再看看。

2008-05-07 15:05:40 補充：
DAY 1
妳幾點落機呢？新村及梨大預半日行完。食嘢方面，我會介給三間，都在新村，第一間叫Dolkemaeul Tofu House，是一間24小時豆腐鍋連鎖店，另一間食蒸八爪魚 (收11:00pm)，最后一間叫鳳鄒，食安東雞。

DAY 2
景福宮逢星期二休息，check吓會唔會撞。午飯可在仁寺洞間'古宮'食全州拌飯，晚上可在明洞食：全州中央會館(食石頭反)、百濟參雞湯 (比起其他貴些小,但值得)、明洞餃子、 鳳家參雞湯 (千祈唔好叫參雞湯,麻麻地,但它的安東炒辣雞就好食，記得order個飯,因它的汁很正),如果你想食烤(牛)肉，有間叫景福宮，很好食但貴。

2008-05-07 15:09:42 補充：
DAY 3
時間非常充裕，德壽宮逢星期一休息，check吓會唔會撞。同意另一網友講，東大門是冇mud嘢行，建議妳們去埋首爾車站間樂天Mart買手信(食物)，雖然樂天世界都有間，但首爾車站間會好行啲。而且，妳們可以早啲看吓裝唔裝得晒啲戰利品，因為它們的packing很食位 。或者妳可以去佐Coex Mall 先，但條路就唔順 (不過Day 4的行程有啲問題)

2008-05-07 15:10:11 補充：
DAY 4
有問題，妳又話去4日，咁今天即是last day，妳們幾點機呢？如果我冇記錯，KE最後回HK班機是7:30pm，而CX好似係8:00pm，計番2個鐘頭check-in，１個鐘頭鬆啲巴士去機場，即係話下午4点零鐘要上巴士去機場，如果妳不是呢兩班機就仲大問題。Re-arrange過day 3 and day 4好啲喎。

2008-05-07 15:11:23 補充：
小小tips:
食 – 很多位於遊客區的食市的menu都有圖片及英文，妳們指給他們想食甚麼便可，切勿希望能用英文溝通，但仍有啲食市可以用國語，因很多台灣人鐘意自由行去韓國。另外有啲食市見妳係遊客就遊說妳食貴嘢，我自己的做法一是之前揀定去邊間鋪頭食，揾定它們的招牌菜，一是望吓嗰間鋪頭周圍啲當地人食什麼。記著，香港食到的韓國嘢, 就算係好出名嗰啲restaurant，都不能和正宗的相比。烤肉只是韓國食品的其中一種(最貴嗰種)。如果你喜歡食辣嘢和濃味食物，你們便會喜歡韓國的食物。如果行到攰想坐低飲Coffee, 不建議去Starbucks, 香港都有啦，首爾有很多coffee shop的。

2008-05-07 15:11:40 補充：
搭車 – 基本上我每次都是搭地鐵，首爾的地鐵很方便，旅遊書都附有地鐵地圖，不用担心。如果你要搭的士，一定要叫Hotel啲人幫你寫定張紙仔去邊，還有寫低你住的地方都好緊要。另外，除非你很清楚行車路線和下車地點，否則不建議你搭巴士，自問對首爾都幾熟，但除了乘坐來往郊區滑雪場及機場的巴士外，都只是搭過兩次市內的巴士。

行街 – 首爾不像香港，很多舖頭唔會咁夜close，所以要check定啲時間，當然也有例外，但如果行得夜，妳們兩個女仔就要小心啲，因為會有醉酒鬼。

若你要坐的士, 不要選黑色, 因貴好多, 問路我多問 hotel 的 manager(英文好 dd) KEEP 住 HOTEL 的韓文地址及圖, 問人都方便D. 我去韓國是滑雪及 shopping (SKIN FOOD-MASK, LOTION, EYE CREAM).
泡菜, 韓國年糕及人蔘雞都好食 (我覺得好過香港) 樂天世界-可早 d 去 無咁多人. 之後到 COEX MALL 水族館/SHOPPING. 明洞 及東大門本人覺得似花園街. 我會去 TIGER WORLD, 有滑雪及大型水上樂園.
香港出境有拎liquid 的規定, 韓國也一樣, 不準拎 liquid上機, 若買了 mask, lotion, 泡菜(汁都唔得)... 要寄倉.