好煩哦，點算，有o左...唔想通知公司...

💰 財經台其他 - 商業及金融

Candy Lau

2008-05-02 6:38 am

我係o係學校做外籍老師o既助理ge，到08年8月合約就會完，本身係想轉工，因為人工會高好多，同埋學歷唔同o左，有條件同人傾。但係點知，o係呢個時候，我有o左bb，到8月就4個月啦，如果我同我依家做緊o個間學校話我有o左，佢可以唔同我續約，佢唔會犯法，不過有可能會犯平等條例。即使佢同我續，條件都唔會好得去邊，本身我轉出去做，應該會加$2k左右，如果o係呢度，佢唔加俾我我都吹佢唔脹。另外，如果我真係出去搵第2間學校，我可唔可以唔話佢知我有o左bb，等過多1個月到或者過o左試用期(1-2個月)，即係5-6個月到先同佢講??咁會唔會有咩問題???佢會唔會唔洗俾4/5人工產假我?好煩.....thanks哦~~分享下啦~

更新1:

如果我唔係為$，我做咩要返工呀?! 我依家讀緊個honour degree，要成17萬，唔睇$，我做咩要讀? 又唔見大學唔收我$? 唔講叫欺騙?? 有冇勞工法例規定話幾時要通知? 依家我做緊o個間唔係唔會諗，如果我真係搵唔到其他，我都會同佢續，起碼會有有薪產假，我依家只係煩緊可唔可以咁做姐，我有o左bb係想有人支持我，唔係黎話我lor。養個b唔洗$呀，又咪要自己慢慢搵。

回答 (4)

小鬼

2008-05-03 2:05 am

✔ 最佳答案

都好同情你。但現實歸現實。
勞工處冇規定要幾時講，只不過建議盡早講（對於長工及舊人就有保障），因為講左就唔炒得。但對於新同事（未滿試用期）及合約員工，唔見得有保障。
法例細節我唔清楚，只知道在公司做滿唔知幾多個星期，就可以享有有新產假，就算唔夠日子，都要放產假，不過無薪。所以能否在新工司放到有薪產假，你要計一計先。
至於舊公司，你是合約員工，如果佢有心唔放有薪產假比你，好容易，只要兩張合約的日子相隔一段時間（要問勞工處），就可以當新人重新招聘，一切重頭來計。你都係盡早搵勞工處問清楚，如果真係兩間都係無薪的，就問下舊公司會唔會考慮比你放有薪，可以的，就唔好走，如果唔係，就考慮去新公司。起碼每個月多$2,000。
保持心境愉心，對bb 會有好處。

👍 0 👎 0

Edward Lam

2008-05-04 5:49 am

照情況現時你的環境是沒有得選擇，因為你去新公司工作，已經有孕沒有告知公司，他們可以解僱你，因為你有隱瞞及欺騙，如果在舊公司，你通知了公司有孕後，他是不能解僱你，當然待你產後返工，用籍口解僱你是另一回事，起碼現時你可以享受有孕的福利，可以安心待產，是嗎？要想清楚不要兩頭唔到岸，希望幫到你

👍 0 👎 0

Maggie

2008-05-02 10:49 pm

只要o係產假開始前按連續性合約為僱主服務，並有給予懷孕通知，就可以有 10 星期既產假。

不過，呢 10 個星期有冇人工，就要視乎你為僱主服務左幾耐，如滿 40 星期就有薪 (即 4/5 人工)，少於 40 星期就係無薪。

所以如果你 8 月轉工，因為 bb 已經係 4 個月，所以當時距離放產假一定唔夠 40 星期，你既新僱主係唔需要比產假薪酬。

至於有左 bb 需要幾時通知公司，呢一點法例係無訂明既，不過顧及自身安全，亦應該盡早通知，因為公司必須要作出適當安排，確保懷孕員工唔會需要做粗重、危險、有害既工作；另一方面，公司唔可以解僱已遞交懷孕證明既員工；最後，懷孕員工如需作產前檢查，就算只放 1日假，都可以計病假，claim 4/5 人工，當然有 d 公司係更好，會比足人工啦!

其實... 重點係想講懷孕員工要保障自己...

👍 0 👎 0

joe1976123

2008-05-02 7:53 pm

一般公司都會係你入職後八個月至一年先會批產假而唔係你一入職或過左試用期就會批。

👍 0 👎 0

收錄日期: 2021-04-29 15:50:26
原文連結 [永久失效]:
https://hk.answers.yahoo.com/question/index?qid=20080501000051KK03592

檢視 Wayback Machine 備份