二十歲女喇, 感情線仍然一片空白...

本人係女, 成二十歲人喇, 被動型, 在陌生環境-->外表cool但內裡熱情, 自問又唔算係醜女, 不過唔係靚女囉....同d男仔都幾傾得埋架, 係身形細粒d, 點解仲可以冇拖拍? 之前都唔知算唔算拍過拖添呀....

以前讀中學, 成日都同某位男同學傳緋聞, 傳完呢個就傳第二個,
成日搞到我同某幾位男同學好唔知點, 但冇事發生過架喎

中途...都同某幾位男同學d關係好曖昧, 但都冇事發生過

第一次....中四同一個男同學星期五放學一齊左, 下個星期一返學就完全唔理我唔睬我..

被耍了........


一年前, 有個男追求我(佢係澳門人), 咁我又真係對佢有feel既, 咁咪接受囉
咁岩o個時去同埋其他人一齊去新加坡, 第一次拍拖就係o係新加坡, 行左3日, 第4日d行為就極度冷淡, 第5日就離開新加坡, 過左幾日都冇搵過我, 之後突然間打黎話咩同我一齊冇o個種拍拖感覺......

3日..



而家人地問我有冇男朋友﹑你同條仔點呀之類, 我都不敢直說未拍過拖or冇, 只會話散左, 如果再問原因, 我就會答"呢d事唔好再提啦"

我中學有個女仔best fd, 好肥(有17x磅), 滿面暗瘡, 難聽d即係豬扒....
但佢人緣好好, 好多fd......有男朋友, 同男朋友分左手之後冇耐就可以有拖拍, 仲要個個都幾靚仔架......當然佢對個男仔係認真既

靚女多人追我都明既.....而家去到邊都係睇樣為主...之不過我個fd咁......令我又羨慕又妒忌..



而家既狀況係, 冇朋友....呢個best fd因為誤會都唔再fd, 因為佢人緣好, 令到其他d中學同學都冇再搵我......可以話係得呢班fd咋....
有時想出去搵人吹下水, hea下, 去機鋪玩都冇.....

我冇返學, 走去讀d課程我又冇錢(為左識朋友而去讀又有點兒那個..)
我覺得識新朋友好難.....fd搭fd就話易唧...而家連fd都冇, 邊度搭d fd黎? bf更加唔洗講......
internet識fd係好易, 但我覺得咁樣太刻意, 好似好濫咁....我唔想搵d臨時性, 好快就唔會聯絡o個d.....

唉, 落寞又寂寞...


打打下, 好鬼大篇野..