賣樓問題, 請指點

你可能誤會左
總之如果你有2個按契，
當年你買入之後，
你當年既律師一定會把一按按揭契及所有契據連同二按之核正本送番去一按銀行，另外你當年既律師一定會把二按按揭契送番去康業。

你而家要做既係︰

1.搵律師（可在報紙、朋友介紹、律師公會網站到搵到律師樓名

2. 把最新之供款單比律師行(包括一按及二按)

3. 律師樓會準備以下文件比你簽︰
2封借契授權紙(一封比一按銀行，另一封比康業)－－意思︰律師樓會把此信交給銀行，銀行才可把你的樓契送交至你的律師行，由律師行準備做贖樓手續
(要留意，通常康業既贖契，一定係要搵番康業既律師樓代表做贖契，而你的律師會負責幫你做賣出及贖一按手續，但你可透過你的律師，叫你的律師出信到康業，稍後，你的律師便會與康業之代表律師聯繫，安排贖二按。
要留意，你要比2筆律師費，一筆比你的律師，另一筆比康業的律師

b.買賣合約( Agreement for Sale and Purchase)，你的律師會約你簽合約及收取大訂(當然有時，業主未必可於大訂日收取大訂，因為有時臨時合約寫明大訂要由你的律師行保管，直至你能証明尾數足夠清還所有貸款欠數)，一般簽妥後，樓師行會把此合約連同樓契一併送交至買家律師行，如你的契唔齊，你的代表律師會話比你知，然後你的律師行會到土地註冊處申請補回唔齊的契，當然，費用由你負責。

c.樓契 (Assignment) （成交日，你地要上律師行簽呢份文件，並且收埋樓價尾數）
** 留意，你的律師會從你的尾數扣除以下款項︰
(i) 一按欠款
(ii) 二按欠款
(iii) 二按律師費
(iv) 你的筆師費及雜費

d. 一按(mortgage/legal charge)既贖樓契(Discharge)

e. 二按(second mortgage/legal charge)既贖樓契(Discharge)


e.透交地產經紀或透過律師行交收鎖匙

f. 你的律師行/地產經紀會幫你地做對數
(例如︰管理費、差餉、地租、管理費按金等..)

其實唔洗咁複習，律師行自動會安排手續，到時叫你簽名噃！反而要留意賣咗之后，夠唔夠還番比銀行及康業，即還比一按及二按，唔夠就自已再貼錢！