什麼叫律師訴訟費？

先答你有關訴訟費:
當你委托律師處理民事或刑事案件時, 律師會解釋其工作範圍及大約收費 - 包括: 處理你單案的收費 / 法庭費用 / 公證費用 / 政府收費或轉聘大律師費用.....等. 如果你同意, 咁就要先交一筆錢到律師樓, 稱為 "預繳費用Cost on Account". 到你單案完結, 如果d錢重有剩, 會退番俾你. 如果唔夠, 就會請你繳交餘數.
再講你果單六合彩:
在香港及大部份其他國家, 六合彩或相等嘅彩票活動, 都係由政府指定或特淮的機構(例如: 香港賽馬會)主持. 辦理中獎手續係唔使上法庭或請律師嘅!
你所提到嘅 "...中左六合彩先要比律師訴訟費, 之後當收到六合彩ｄ＄後, 個ｄ律師訴訟費就可以全數退返..." 其實係一個運作咗一段時間嘅國際騙局. 騙徒經電郵或sms通知受害人佢中咗六合彩巨額獎金, 要求受害人寄錢去委托律師辦理領獎手續. 到受害人寄咗錢後, d騙徒就當然去如黄鶴啦!
同樣嘅騙局, 重有其他花款, 例如係有所謂 "銀行職員" 電郵或sms通知受害人話有人存咗筆錢喺瑞士銀行密碼戶口後過咗身, 因為其後人唔知道個戶口嘅存在, 所以筆錢無人認領. 騙徒叫受害人扮其後人去認領, 得手後二一潻作五. 但要受害人先寄錢去請律師確認其後人身份...又或者有筆 "戰前黃金", 存在某金庫, 叫你俾錢請律師認領....等等.
千祈唔好上當!!