✔ 最佳答案
1.我建議都係去翻啲有信譽店舖例如永成,萬成等買比較好,未必係最平但較有保障,去不知名店舖買可能平小小,但買到有問題貨品就激死.
2.40D配24-105mm f4L IS USM其實係唔好用的,你睇中佢可能因為佢係L鏡,冇錯光學質素係好,又有防震,超聲波對焦.但焦距乘1.6之後變咗38.4-168mm,廣角同最差既DC仔一樣.你會發覺成日唔夠wide.變咗又要另外加支超廣角鏡,之後你又會發覺要成日換鏡,出親街又下下要帶兩支鏡,極其麻煩.我弟就係用20D配24-105mm f4L IS USM,因為佢係非L鏡不買的.結果都頂唔順要將機身轉成5D.
如果買40D不如買EF-S 17-55mm f2.8 IS USM啦.焦距正常翻,光學質素又唔差,而且佢光圈有f2.8,40D中央的雙十字對焦點要鏡頭有f2.8先可以啓動的.唯一缺點係配唔到大片幅相機同埋唔係L鏡,你如果諗住轉全片幅就唔好買喇.
一定要L鏡的話可以考慮焦距較wide的17-40mm f4L或者16-35mm f2.8L,可以用在任何片幅但係就冇咗防震喇.
以下網頁有鏡頭review
http://www.photozone.de/Reviews/overview
3.以下網頁有鏡頭大約價錢
http://www.ygdragon.net/
4.可以支援任何容量CF card
5.都係嗰句,同有信譽店舖買比較好
6, 7及8
唔知點答好,係一般影相要注意既事項呱,小心對焦,留意安全快門.
9.你兩個選擇好似重覆咗,首先機身你係一定要買的,之後應該買一支廣角變焦鏡例如24-105mm或者17-55mm,除非你淨係影遠攝,遠攝鏡急切性冇咁重要,可以有需要先買.除非重量係好重要考慮,否則其實我唔係好建議買小小白is的.40D最大賣點就係對動態的把握能力,廣告都話可以用來捉豹,而發揮對焦系統的最大能力係要一支大光圈鏡頭的,對中距即係70-200mm尤其重要,呢個焦距下下影大特寫,對焦速度同準繩度往往決定張相影到定影唔到.正如之前所講,40D中央的雙十字對焦點要鏡頭有f2.8先可以啓動的.你配支f4鏡佢就得翻單十字,而且f4入光量比f2.8低一級,相機會需要較多時間去判定焦點.而且f4入到室內是很吃力的,好多時用到iso 1600快門都唔夠快.除非你只係需要影下靜態嘢,否則強烈建議買大一級光圈的小白is.
10.唔夠用,你冇咗廣角鏡.影風景係廣角鏡比較重要,除咗上面講既17-55mm, 17-40mm同埋16-35mm.你仲可以考慮一啲超廣角例如10-22mm嗰啲,可以有好誇張既透視效果但要小心構圖,好容易影到歪歪斜斜.
2008-05-03 08:16:01 補充：
當然唔介意.
其實小白is嚴格來講唔可以叫遠攝鏡,我會定義佢係中距鏡.雖然數字上好似好誇張,但用呢類鏡都係影大特寫居多,好小會用來影闊景,所以其實工作距離可以係好近的.
要再長焦距我建議買俗稱大白既EF 100-400mm f4.5-5.6L IS USM.雖然光圈細啲,但保持在可以手持的重量,超聲波對焦,防震都有齊.除咗價錢外,冇乜其他對手.
EF-S鏡頭係冇得用在FF機的.因為成像圈不足以覆蓋較大的感光完件.Nikon機可以照用DX鏡,但影像四周會被裁去,Canon機暫時未有對策.如果裝得上部機的話都要自己用電腦裁走四邊.
2008-05-03 08:16:07 補充：
在中階機來講,40D絶對係一部好機,不過唔係好在畫質到,有雜誌測試過佢同400D既相,基本上係一樣的.要畫質好就要買大感光完件的機例如5D.但40D有較紮實的機身,又大又光亮的觀景窗,極佳的對焦系統及連拍.無論動靜態的把握能力都比入門機好好多.幫你更容易影到一張成功的照片.唔好以為四四正正影到一張相係理所當然,買部入門機翻去就即刻挑戰難度題材,拍得仲衰過DC仔既大有人在.
