我想問有冇人知道衝壓式飛彈？

志雲兄講既唔係好準確。其實所謂衝壓式發動機即係無壓縮機既噴射發動機。正常既噴射發動機由前面既進氣口吸氣，之後經多段壓縮機壓縮至可以產生足夠推力既密度後進入燃燒室同燃料混合並燃燒，之後氣體急速膨脹並由後方既噴嘴噴出引擎，其間高熱氣體帶動係燃燒室後面既渦輪機，然後渦輪機又帶動進氣口前面既風扇吸氣，氣體噴出後形成一個反作用力推動飛機前進。

衝壓發動機完全唔要係燃燒室之前既所有壓縮機同渦輪機，進入燃燒室既空氣全因進入引擎時既高速自動被壓縮，之後既所有野同普通噴射發動機相同。取消壓縮機同渦輪機係因為呢兩個部份佔既重量太大，又太複雜，取消佢地可以大大減少引擎重量同大幅簡化引擎，既降低造價亦方便維修。但係衝壓發動機既致命傷係要空氣自動壓縮就要飛機既速度去到大概3倍音速先至可以發生，咁係飛機去到呢個速度之前個引擎點工作﹖答案係被迫無得工作，架發機要靠外力幫助達到音速3倍先至用到個衝壓引擎，通常既辦法係係架飛機後面裝一個火箭發動機，將飛機加速到3馬赫後火箭發動機就脫離，由衝壓發動機接手工作。另外當飛機速度低過3馬赫後佢就無左動力，要被迫立刻降落。由於呢個原因，用衝壓引擎既一般都係一次性使用既飛行器，例如飛彈，至於載人既飛機除左試驗用既之外就無一款飛機用呢款引擎。

現在之水火箭咪用衝壓原理飛行。最早使用衝壓原理飛行的是德國戰機，祇是試驗性質，並無實際生產。而後來之V1飛彈就是使用衝壓原理飛行之飛彈，即有機翼之飛彈。其原理是於壓力渦爐內混合氧化劑及燃料，點燃後氣體鵬脹，就自然被迫出細小之噴咀，這噴流就自然產生反推力，推動火箭前進。它與噴射引擎較為相像，只是將壓縮空氣改用氧化劑而以。現在美國和俄羅斯都有使用衝壓原理之飛彈，只是不再飛天，而改為在海底飛行，即現時之超音速漁雷。