星期一晚，我同我3個舊同學(T、A、D)食飯，當中 T係我best fd~
話說果日我心情唔太好，一來好攰，二來o係度諗緊T 係咪唔記得左約左我4月尾去Ocean Park，同埋另外諗緊一d 私人野啦~~
之後第二日朝早(星期二) T 打o黎問我發生咩事，點解果日黑面，尤其係夜晚臨走果陣咁明顯 (但我自己覺得差唔多，黑面都係唔覺意~)，對話如下︰
T「發生咩事? 果日做咩黑面? 你咁樣我唔敢再約A同D，有咩事唔講得呢?」
我「....果陣諗緊野....(猶豫緊講唔講)」
T「諗緊d 咩呢?」
我「.....」
T「姐係點呢?」
我「其實你收唔收到我msg?」
T「我呢幾日都冇收到你o既msg，你sd 左d 咩o黎?」
我「.....其實你記唔記得之前講好左4月尾去某某主題公園?」
T「海洋公園呀嘛!! 你唔提我?」<<---態度變得晦氣
我「我成日咁問你，我驚你會覺得煩呀嘛」
T「咁我未過probation，d 假都唔定，今個月都冇咩放過星期日，我都有同你講我放邊日架，你放假都係放星期日，禮拜六長短週...」
我「咁我有同你講邊個星期六放架~」
T「我邊會記得你d 假姐，我自己果個都唔會記啦，都係話到時先算架啦，我放假一定要約你架咩?」
我「唔係...」
T「咪係囉~ 去OP 好閒姐，你唔係因為呢樣而嬲呀嘛?」
我「..唔係...仲有其他自己野」
T「咁都好d。我返到公司，係咁」
我「bye」
佢成個過程都好激動，一路講，佢一路都拎住本schedule 睇5月有邊日放。但其實我果劑只係想知佢記唔記得，已經冇癮去OP。
尋晚我試過打俾佢諗住講，但佢冇打返俾我，我再sd msg 俾佢講對唔住，佢都冇覆我~~
咁我應唔應該為我黑面o既事而向 T道歉呢?? 同埋應該o既話，係咪親身去佢公司 (佢係o係B某某英資百貨公司做sales) 同佢道歉 ??
更新1:
我指道歉係for 我果日真係有黑面o既事而去道歉~~ 只係冇我想像中咁嚴重=.=
