母親節擺酒..

如果係有心黎既話，點都會黎，更忙既都會抽時間黎坐吓、影張相！相反，無心黎既話，就算好得閒無嘢做，佢唔想黎，佢都會諗盡籍口話唔到囉！
我有朋友之前都係响母親節嗰日結婚，佢仲要黎多左人添，擺多左成 3 圍，所以我個人覺得無咩關係節日唔節日！
所以我覺得你又唔洗太擔心既，你想請既賓客係 friend先至請囉！嗰啲太耐無見、唔太熟呀、無咩兩句既同事呀，呢啲請唔請都擺啦！一陣派左帖俾佢，佢唔鍾意又覺得你好係俾帖請佢飲，仲無癮啦！係咪？
我自己擺酒既時候，淨係請啲熟既、friend既朋友黎，其如只係俾餅卡佢地，都OK吖！起碼收到我張帖既人，個個都真係真心登我開心 & 想黎飲我嗰餐.....
我有啲朋友擺酒就係人都請，結果呢，咪好多人唔都囉！最後仲要存左 2 圍菜添，咁你話幾掃興吖！有黎個啲人，又唔見得佢係好高興，仲要差唔多入席先黎，都唔知係黎食餐飯，定係黎朋友既婚宴......

希望幫到你！

母親節年年有﹐但你的婚禮一生只有一次。有心出席婚宴嘅人﹐應該會預早同媽媽慶祝﹐你唔洗擔心 =)

如果係普通朋友的話﹐要視乎你地嘅交情了。如果真係好普通的普通朋友﹐唔出席都唔奇。同意一樓所講﹐除了重要的工作/生意夥伴外﹐只邀請熟朋友﹐撇除一些唔到多過到的人﹐應該問題不大。

你雖然同酒樓訂左檯﹐但仍建議你用wedding response card﹐一來可準確計算出席人數﹐易於控制成本。二來可預先安排坐位﹐避免冤家同坐一席的尷尬場面。