✔ 最佳答案
按以下程序去做吧！不用找律師，自己辦理都可以，費用都係
千幾蚊，一定唔使二千。但你要記住，第一次去辦理時最少要
帶八百元在身，因為你要計埋影印費同申請費，第二次就要俾
埋尾數。＄６３０
一：先到婚姻註冊處以補領方式申請返一份有關部門蓋印
的結婚証書副本一份。（但要交有關費用，以前幾百
蚊，而家唔知，你最好自己去問。）如無記錯，即日有
取。
二：再埋拎呢張副本去灣仔家事法庭，拎一份離婚呈請書，
有咩０野唔識填，可以問職員，佢會教你填。但表格
內有一部分要你填寫離婚理由，你就填你離婚理由，
（如被遺棄或分居，或兩者都可提出，前者是對方在
沒有任何交帶的情況下走佬；後者係兩者都有共識決
定分居的。）但你要問職員是否需要兩者都寫下作為
離婚呈請的理由。
三：最好你準備一張有足夠金額０既八達通咭。因為當你
填完有關資料之後，有關部門職員會叫你即時影印一
份副本留俾自己，正本存入有關部門，而影印機就０係
番同一部門內，以八達通付款作為影印費。係自助影印）
四：如你表明對方已經離開０左你０地兩父子幾年都無再
出現，你又同對方失去聯絡的話。家事法庭會叫你登
報作出有關離婚呈請０既聲明（只需刊登一日便可，但
是否只需刊登一份報章或幾份報章？這個我不知道，你
最好還是問問有關職員。不想誤導你！）
但你一定要同報館溝通清楚刊登日期，類別同埋有無收
據呢０的資料，到刊登０個日，你記住一定要買番你所
刊登有關呈請的報章，然後找到有關聲明廣告後剪下來
自己保存作為後備之用，直至訴訟完結。
五：當刊登超過一個月，法庭還未收到對方提出答辯理由
回覆的話，便會將你０既案件列入特別程序案處理，
大概個幾月後你會收到一份由家事法庭寄俾你０既
內庭聆訊通知書，但雙方毋需出庭。
六：之後有關部門再會寄一封有關法官是否信納你呈請書
的申請理由以及暫準離婚令結果通知書給你，如果個
官信納你０既離婚呈請理由的話，通知書內會有另一份
文件顯示對你發出暫準離婚判令。
七：再之後你又會再收到由有關部門寄俾你０既出庭日期
通知期書，第二次要上庭。０係第二次聆訊前你亦會再
收到有關部門的聆訊通知書，（目的是提醒你出庭日
子）而第二次聆訊係屬於內庭閉門聆訊，除了法官和書
記和當事人之外，並無其他人旁聽，就算子女也不能入
內。目的是法官要知道你如何為子女作出適當安排，
（例如，若你在外工作，能否找一個有責任及值得信任
的人幫忙照顧子女，始終個官是以子女的利益為大前
題。而你亦要話俾個官知邊個幫你湊仔，等你可以在外
工作撫養及供養佢；及子女的在學及生活情況）你亦要
有時間同子女相處同溝通。
八：如果個官接納你的安排，就會係聆訊完結後即時叫你到
２樓填埋一份申請絕對判令申請書，（要交＄６３０）
六星期後你就會絕對判令通知書，咁樣你就正式離０左
婚啦。
註：如你０既情況同以上係相反的話，例如，個官不接納
你的離婚呈請理由的話，情況會有所不同。由於我所
知的是以個官接納呈請人申請的情況為例話俾你知，
不接納的不知道，所以若遇上不接納的情況下，你就
真係要申請法律援助，搵律師幫你搞。（若然你無錢
搵私人律師的話。）仲有就係，你不用問拎乜乜表格
，只要你同個職員講，想拎一份離婚呈請書，個職員
會識得俾你，但你要睇清楚份表格中間位置係咪印有
（呈請書）（呈請人）（答辯人）呢０的字眼
如果係０既話，就無錯啦！另外，係當你正式遞交離婚
呈請申請書時，先至要交錢，拎表格唔使俾錢住。
