愛情點先可以.....

當你搵到另一個你真心鐘意既女仔之後..
又或者..時間耐左..你睇穿左呢個女仔真係唔值得愛既時候
你要去忘記佢一d都唔難!

好多時候都係o家啦!
當你今日話好愛佢..唔捨得..放唔抵既時候
日子耐左..慢慢你就會去淡忘
正如以前你考試唔合格..好驚番屋企比人鬧
結果鬧左啦.. 到依家你諗番起..
驚黎做咩? 依家仲掛住黎做咩?
人地都唔珍惜你.../ 人地都無個心係度
一樣道理o家!. 所以時間可以沖淡一切

如果你係一個好男仔..唔怕無人愛
只係時間既問題!
你未忘記到..係因為你未遇到你既白雪公主姐
呢個世界無話你無左邊個就唔得既!
我深深明白呢個道理!
希望你都係...

我認為你唔洗忘記佢
當果次係一次教訓
永遠記係心入面
等下次識女仔個陣要留心d
唔好再係俾人玩
有時...
我地唔一定要忘記一d唔開心既野
如果無唔開心既野....
又點能夠反映到開心個d野呢???

首先,好努力做野.用工作麻醉劑黎麻醉自己,
時間真係可以沖淡到,但係唔會忘記,如果佢俾到你好深既傷害,
你會有一種好似刺既野插係心,當佢被其他人無意中觸碰時會勾起陣陣心酸,但你唔可以認輸,你要活得俾佢好,
如果你自問付出過既全都係真心,
佢玩你會得到應有既回報,你可以話係下場,懲罰...
呢個世界好公平.做任何事都要付出相對既代價...
你無須要再去為呢個女人唔開心,
我好明白呢個時候既你係可能好脆弱...
但做男人既你覺得你要咁懦弱咩?有需要咩?
你事業有成既時候你覺得你會無女人咩?
呢一刻既失敗唔代表事實
正如剎那既光輝唔係永恆一樣
走出谷底係要靠你自己,其他人根本幫唔到你.
何必再沉迷休呢一棵樹上?
愛情可能只係一樣附屬品.可能係人有我有既心態,
你心入面既女神可能仲未出現.
試試轉變工作環境,從新認識過一班朋友,工友,
你會發覺呢個世界係好大,你再唔會為一個可能無關痛癢既人既離去感到可惜。