有關非法出境問題

✔ 最佳答案

我只討論有否犯香港法律.
香港法律係無 "非法出境" 呢條罪. 你的問題有有兩種情況:
1. 香港居民
香港係無法例規定香港居民一定要經由入境處管制的口岸出境嘅, 因為根據基本法第31條:
香港居民有在香港特別行政區境內遷徙的自由，有移居其他國家和地區的自由。香港居民有旅行和出入境的自由。有效旅行證件的持有人，除非受到法律制止，可自由離開香港特別行政區，無需特別批准。
所以只要你持有香港護照或身分證, 並無俾執法機構(eg. ICAC / 警察等) 通輯或俾法庭頒令你不准離境, 咁你係可以喺碼頭登上你隻100尺遊艇或10尺木船, 唔辦理任何出境手續直駛外國, 而無犯到任何香港法律嘅. 咁當然, 如果你番香港時坐飛機入境, 咁你過入境處時會check到你無出境紀錄, 所以入境處會的你入房, 問兩句就少不免, 但亦無權唔俾你入境.
2. 外國旅客
外國旅客不受基本法涵括, 入境香港時受到管制, 要遵守入境時入境處的條件. 其中一條就係一定要經番由入境處管制的口岸出境. 所以唔辦理出境手續及唔經正式口岸出境係算犯法. 但唔係犯 "非法出境" 罪(無呢條罪), 只係算犯咗<入境條例>第41章 - 違反逗留條件.

2008-05-02 00:26:03 補充：
好有趣嘅一條問題!!

2008-05-02 17:02:19 補充：
差d連我都考起!!

回答 (2)