化療及電療中的飲食譜

化療及電療中既人.

其實好多野都啱食, 一定要食多d 有營養既野. 特別食會增加紅血球, 白血球, 血小板既野. 因化療及電療中既第1個負作用係會令佢地減少

紅血球 : 紅蘿蔔, 菠菜(深色既菜), 蕃茄

白血球 : 肉類, 奶類 (可以食加營素 / 速癒素, 因佢補充血白球最勁)

血小板 : 花生衣(中藥房有, 煲湯or 煲水飲)

如果病人有嘔, 肚瀉既情況, 可以食d 粥
如果病人有便祕. 可以食芝麻, 合桃, 杏仁 .有助通便
如果病人口腔, 牙痛有問題 : 可以用鹽水, 嗽水口. 減少病情

其實西醫就無話咩界口, 主要係營養衡行.
而中醫主張. 扶正驅邪, 好多濕熱毒既野唔好食. 其實果d 多數都係煎炸野, 辣野. 公仔麵,
但一定唔可以食己子. 煲湯用都唔好, 因己子有減少血小板既作用.

以下係我曾答過別的網友的答案,copy比你睇希望幫到你:

http://hk.knowledge.yahoo.com/question/question?qid=7008040100791

在治療期間到依家食過呢d天然食療:

(1)五行湯
真係好多病友食過話得,得0既意思包括係有病友在化療唔到的情況下腫瘤縮細,之後可以化療,或者個個化療到口爛晒(我家人果隻化療藥會引至口爛),我屋企人飲左就只係爛左dd咁多.

你可以去d有機店買立石和果隻五行湯,或者係去街市買紅蘿蔔,白蘿蔔,牛蒡,冬姑同埋蘿蔔葉,每樣幾片,之後五樣野煲一個鐘,食渣飲水,日日飲,有人話一定要玻璃煲至得如果唔係有有害物質,不過我地問過中醫話唔會.另外佢性質好涼下,你要清楚爸爸體質.

(2)小麥草
小麥草係一種非常抗癌0既食物,我地到依家都仲飲緊,同五行湯梅花間竹咁飲,新鮮0既賣得好貴,不過最有益.用小麥草榨汁,一日最少飲3杯.

(3)姬松茸靈芝煲瘦肉湯
買新鮮或者乾姬松茸(係一般jusco果d有得賣),靈芝就買萬寧一盒百零蚊果d,加舊全瘦肉煲湯,少鹽.

(4)梅花點香蕉
已有醫學証實熟透梅花點蕉可以抗癌.一日食2隻.

(5)速癒素oral impact/保康速(prosure)/加營素奶粉
呢d係一般0既萬寧或屈人寺有售,最有營養係速癒素.

(6)雲芝丸
我地冇話特別邊隻牌子食開維特健靈幾好就食.

=======================================================
另外, 如果病人係老人家,要注意佢係咩體質,
唔好勉強食一d唔啱佢體質0既野.

2008-05-02 23:51:59 補充：
絕對唔可以食燕窩,牛肉, 公雞, 無鱗魚,生蔥,蝦蟹,鵝鴨....等等一切熱毒野,中醫果時千叮萬囑我屋企人唔可以食架.