判傷....報工傷問題

其實一般情況下，你點同個醫生講，並唔會造成好大問題，因為就算你講左比醫生知係因工受傷，佢既醫生紙都唔會幫你寫上「工傷」呢個字。不過，根本我既經驗，如果單 case 係好嚴重，涉及好長既病假或大額賠償，保險公司將來有可能會 check 你既醫療報告既

而你公司知情不報其實係唔岩既，不過 28/3 工傷，到 9/4 先報都仲係14日以內，所以並不算犯法。

其實如果工傷，但公司唔肯報，員工係可以直接去勞工處呈報，之後勞工處就會發信比間公司，要求解釋及跟進。

當然有事發生，最好就係公司自動去處理，但佢唔理自己都一定要理，咁樣做係要保障自己! 因為工傷醫療費用係勞保 claim 既，而病假亦係工傷假，無論幾多日都係 4/5 人工，不幸再嚴重 d 判到有永久喪失工作能力賠償 %... 唔好輕視!

應該冇問題，可以說自己覺得不嚴重很少事，不知道是現時這麼嚴重，應該可以的，不會影響你判傷，因為判傷是勞工處安排的醫生，並不是你看病的醫生．你可以放心，希望幫到你