幫幫手，唔該！寵物問題！

狗狗清潔外，家居環境都要清潔，Ｄ蚤可能已經响梳化等地方繁殖，一有機会就跳上狗狗身上，你話落蚤水唔知係邊种，問清楚邊种最好，亦要定時做，如效用只維持一个月，一時唔記得效果一定有偏差！
我諗你依家要先用殺蚤沖涼液同佢沖涼，但要注意狗狗太細個未必啱用呢Ｄshampoo，睇清楚說明，加上噴劑(噴完小心佢lam，乾咗安全Ｄ)，最重要清潔屋企，我通常用高温蒸氣(乜都死)，因我怕其他化學品對狗狗唔好，如發覺有蚤我都会用噴劑四圍噴吓，話晒係狗狗專用，對狗狗無乜傷害。

2008-05-01 01:05:30 補充：
你做嘅都好足夠，只得一兩隻可能係响竉物店其他狗跳咗上去，滴咗頸，蚤一吸狗狗血就会死，唔駛擔心！唔駛睇医生，除非數量太多令狗狗中毒！雖然成犬但用药用殺蚤水或沖涼液時都要小心，以前有狗主過量用殺蚤水同狗狗浸洗，狗狗中毒！但你做到咁足，蚤唔会有机会繁殖，但清潔家居好緊要，Ｄ蚤可以長期响休眠狀態，當狗狗失去保護時就又可大量繁殖！小心！

你家中用漂水清潔, 狗仔用殺蚤水沖涼....應該已經OK了...但仍有比小狗外出嗎??又或會不會在寵物店惹番來的...

見到你咁嘅情况替你隻狗慘!
以我嘅經驗…在HK買嘅蚤水效果麻麻!
我曾到內地上海住過,買過ㄧ種蚤水好掂! 10kg狗狗只要滴ㄧ大滴在
牠頸背就已完成防蚤! 我家中都有些如果有興趣試!我可以送兩支寄比你小狗試下! 如果信得過我E個地址比我啦!

2008-05-02 03:00:17 補充：
或試吓去藥防買塊~ $20-30元‘留黃’皂同佢冲凉! 洗時待多些時間後才過水,來焗死D蚤! D蚤唔鐘意‘留黃’味!
英國造的,我覺比大陸些香味好D!

未有蚤之前做好預防就有用，但現在就千期唔好亂比道蚤藥水比狗狗用呀，最怕就係攪到狗仔皮膚有事仲大獲，快Ｄ帶狗仔睇醫生喇。
祝你的小狗身體健康！

除了落殺蚤水還要用殺蚤的冲凉水幫佢沖涼，另外買殺蚤水最好係獸醫疹所買，一搬寵物店賣的多數無咁好，其它的狗狗藥物也一樣。
另外買一些滅蚤的噴霧，噴係狗狗訓既地方什至屋企四周圍，咁就包無蚤啦.