香港公開大學..讀咩好?

如果淨係講錢, 唔講興趣和性格佩合度, 讀公開大學, 當然會計學錢途最好, HKOU的會計學商學士在英國會計師公會承認程度非常高, 不過會計唔係一科易讀的科目, 要讀就要勇往直前博晒命, 但係畢業之後加三年會計經驗就可以賺到超過萬三月薪, 讀其他科目的確追唔到E個價錢.
但係讀書除咗要留意前途外, 也要顧及性格取向, 能力取向及興趣, 比如你係理科强勁, 但係語文弱的話, 文及商科都未必適合, 如果你唔讀和做返自已的强項, 你一樣會响學業及工作表現中失去優勢, 仲有係如果你讀的科目及做的工作連自已都唔喜歡, 你會一世都好痛苦和予盾, 當然, 揾錢謀生仍是人生第一大事, 你父母年老都要你揾錢返來事奉啦, 仲有如果你選擇結婚生仔, 你需要更加多錢, 所以在興趣, 才能與金錢上要作出平衡來選擇讀咩科, 日後做咩嘢, 一D都唔容易, 由於我唔知你讀開咩科, 唯有揀幾個類型的公開大學學科來討論吓, 睇吓對你有冇幫助:
商學院:
(1) 會計學(商學院中最揾錢科目, 讀畢後亦最易入行):
讀得好, 可以半工讀, 考埋會計師
有些人以為讀會計係讀計數或做盤賬, 其實計數只佔五份之一左右, 大學一年級初頭係幾多計數或做盤賬, 但係好快就會係狂寫文(包括考試), 英文勁的人有着數, 英文差的人好大獲! 因為學位課程係深D既.
(2) 財務及銀行學
讀畢後容易入銀行做, 不過要SALE基金產品, 甚至咩QUOTA, 適合外向者做. E一行由於係要SALE客, 樣貎好的會較容易留在行內多一段時間, 甚至撈到五十歲, 公司才會開始嫌棄你, 但要留意一點, 就係自金庸風暴之後, 銀行業的人工分分鐘仲少過物業管理, 至於銀行內部的要職, D銀行一般都係鍾意請名校大學的畢業生多D.
(3) 人力資源管理學, 供應鏈及物流學, 企業管治學:
冇乜特別好的出路, 有些畢業生去咗做物業管理.
科技學院
(1) 電腦及網絡學:
我讀緊, 仲有30學分讀埋就畢業(PART TIME), 冇乜前途, 因為香港D電腦程式已經俾印度和大陸的程式員搶晒來做, 佢地人工平我地幾倍, 點都冇得爭, 雖然我自問數理及電腦程式佳, 可惜英文差, 所以局住要讀電腦, 會計科的考試會寫好多essay, 自問攪唔掂, 再者我對電腦真係超級有興趣, 所以冇諗前途就讀落去, 亦唔會後悔.
(2) 環境學:
讀完之後, 多咗個失業人仕去中環示威, 抗議平風樓.
(3) 產品科技及設計學, 工程力學, 物料及設計學:
如果想返大陸發展, 讀E啲嘢都唔錯喎. 如果响香港揾食, 就冇乜作為啦, 因為香港冇晒工業.

讀理科吧,聽講D人好好

讀乜野,都要視乎你自己的興趣,否則,你會讀得好辛苦.