有一排佢坐我隔離戈行...原本冇乜野講,
成日上堂問佢而家幾點,因為想快d落堂,問下問下咁就熟左.
有次我經期,上堂嘅時候我已經feel倒有唔妥,一落堂,企起身鞠躬嘅時候,佢比我早一步發現我爆m.跟住,佢走左去佢戈行個頭位到,應該係唔知點樣面對我...坐佢前面嘅戈個女仔同我講番,
我話:我知道呀,但係你點會知?(佢坐個男嘅前面,所以冇可能見倒)
佢話係個男仔講佢知.戈一刻我覺得好醜,比人睇倒,仲要係個男仔.
我放長書包帶,將個書包整低d,唔想比人睇倒.
因為第一次發生呢種事,我頭腦一片空白,個男仔偷偷地望我一眼,我又望住佢. 佢好尷尬咁笑住話:我乜都唔知架. 我大嗌:你乜都知!
然後我就衝出課室番屋企.
跟住嘅戈幾日我都冇同佢講野,後尾先傾番偈,熟絡左好多.
後來調左位,我地都冇乜點講野,因為唔知有咩好講.
我諗住我同佢除左戈一次事件係可以有少少曖昧之外,我地咩關係都冇,只不過係同學.
但一次偶然我知道左佢個msn,將佢加為聯絡人之後,有一日佢add我.
佢問我係邊個,我扮第二個女仔呃佢.佢話:哦,咁88.
我即刻拉住佢,同佢講番係我.
從戈日起,佢會主動同我講野,我地嘅溝通橋樑終於唔止喺學校.
喺學校我冇可能走去同佢無端白事揾野講,但係msn天南地北都可以講一餐.
我有d開心.
喺某一日,佢又add我.
突然記起同一個好朋友討論過班上誰中意誰嘅問題.
我地順學號咁一路講,當講到個男仔戈陣,我話我認為佢冇中意人.
但係好朋友話佢一臉"被情所困"嘅樣,我只係笑.
我同個男仔講番呢件事,佢嘅反應係"..........."
我乘機問佢中意邊個,純粹好奇.
佢扭擰左好耐終於肯講,佢講左我個花名.
一時唔知點反應,我叫佢唔好玩.
佢話:其實...其實....我暗戀你好耐架la~hehe
語氣好似玩我咁,所以我唔信.
但係從戈日起,佢望我嘅眼神唔同左,上堂時成日都望住我,我同其他男仔講野佢會行過離坐喺附近,而且,永遠都係笑住同我講野,語氣...好難形容,總之就係將聲音放輕.
我唔知可唔可以叫做温柔.但係而家發覺我好似都中意左佢.....
佢係講真,定係純粹貪玩?
更新1:
有次分組做project,佢仲叫我入佢戈組,但係佢戈組全部都係男仔..所以我推左佢 正常離講都唔會邀請異性同組....
