我男朋友最大機會判幾耐??? 同點判???

要見感化官，就即是法官傳召感化官報告。會點判就好視乎感化報告內容寫得好唔好，如好，則多數法官會接受感化的建議。如果不好，先再考慮其他判罪方法。咁寫得好唔好，就好視乎你男友同感化官講過D乜wor.....得罪講句，機會比左你，你唔珍惜，仲要同感化官撐行，咁無人幫到你個播，下馬？
另，法官傳召感化官報告，但我地又唔知有無傳召埋其他報告wor....eg教導所、勞教中心、更生中心、社會服務令報告，etc，如果感化官報告寫得唔好，法官如果又有傳召呢D報告，咁法官就可能判佢入中心了。
不過咁，經驗之談來遮，唔係話一定，條文上就梗係有權判坐監啦，但實際生活上，如屬初犯，而又認罪，即判坐監的情況非常少見。
拿拿聲籌旗請律師啦。咩呀？有錢買K索就無錢請律師呀？醒下啦，食死你都無所謂呀，最慘食你唔死，不過半條人命唔生唔死，變左行動遲緩果亭呀。我無嚇你，我親眼見既都唔小。
勸你一句，出返來就唔好再掂勒。

告藏毒(衰K0.58g,無案底)本身多數罰款2000,但我睇你個個案,係個法官唔想就咁判罰款,所以要攞老感報告,但個老感唔收佢,所以要入去14日(多數係攞喜靈洲報告及社會服務令報告或者會攞埋TC報告)其實入去主要係驗尿及攞報告.
1.如果佢驗尿中o既話多數喜靈洲,白手的話最快5隻最奈1年.
2.社會服務令o既話就唔洗入去啦.
3.如真要攞TC報告o既話,如佢收你而喜靈洲唔收(尿驗唔中),呢個係最壞打算,就要最少18隻至36隻(機會好微).
但都有機會係個官想嚇吓你(玩你)有可能會拋完14day之後先判你守老感或罰款(完全係睇個官面色).
但佢宜家入得去攞報告,徐非佢驗唔中,如果唔係就多數都係喜靈洲.

我男朋友最大機會判幾耐??＝＝＝三年? ＝＝＝＝＝同點判???藏毒

k仔案件
由於你沒有告訴我們,他比人告什麼控罪?是藏有?定係販運呀?
仲有你亦沒沒有告訴我們,他上什麼法院?及那一個法庭處理該案?他認不認罪?他有沒有案底?

由於什麼的資料,外人難以為你作出評估!

如果你想幫他,應該找到上述的資料後,立即去找律師尋求法律協助,救他出來.如果沒有金錢,你亦可以去民政事務署去找免費律師問意見.

由於案件已在法院處理中,如果他在下次上法庭時無律師代表,那你快去協助他,在法庭要求當值律師提供協助吧!

希望他可以早日出來喇!