養兔問題,佢地怕唔怕悶?點先係同佢地玩得開心?

我開始養兔兔時,都想過呢個問題,我一開始,因為與家人都無咩經驗,除左手忙腳亂,唔知點處理佢之後,有一天,發現佢成日都坐係一角,個樣同眼睛好憂鬱,後來因為疏忽照顧而死左,我好難過,及後,我唔比家人照顧佢,自己學下,有幾樣野,係由生活中觀察到,同你分享下哪.
我覺得兔兔係會覺得悶嘅.原因如下.

我為左令兔兔多d空間,所以同佢係籠外加左d欄,等佢可以跳出籠外伸下d腳仔,但畢竟地方有限,所以我成日見佢跳出跳入,用口咬籠邊,好想出黎.
我為左令佢心情好d(兔兔健康好受心理因素影響),早上起身至出門,會有30分鐘,咁我就比佢出黎跑下,所以每天一出黎,就併命咁衝出黎,全屋咁跑...so high..
有一次,佢接觸到一個毛公仔,於是就變左佢嘅玩具,每次出黎,一定先跑去咬個毛公仔,打圈轉,重有(un un)非禮個公仔.佢真係好喜歡玩個公仔.懂得咁玩得到快樂,當然係因為佢有需要,其中一個因素,係悶....
佢好喜歡跳上一個唔係太高嘅盒,然後從高跳下,好high
佢而家兩歲,呢段時間,我花左好多時間陪佢,教佢,照顧佢,最近三個月,佢成日,時時都用腳扒係我腳邊,要我抱佢,好(痴)我...每次按佢頭部,眼神都流露溫柔,呢d係因為悶而產生依偎嘅行為.
每次我坐係地上,佢會圍住我跑圈好似成馬咁...
所以有感情嘅動物,都會有種想快樂嘅心理,咁都可以係因為悶囉.我隻兔兔,佢嘅行為好似小朋友,佢雖然唔僧講,但一起生活兩年,都會get到佢嘅需要....
***我隻係賓尼兔...

2008-05-01 14:44:25 補充：
有好多方法可以比佢有更多樂趣,我試過哪,佢超開心囉

1.放張矮腳椅,佢就好鍾意當山洞咁穿來穿去,睇到佢咁玩,超過癮.
2.我家有一把正方型風扇,我把它放近牆,毫會好似一個隧道,佢成日就穿過,但你要小心佢咬電線
3.我用毛公仔用佢玩,成日玩撲打....佢係男仔,可能喜歡呢種玩法
4.按摩,晚晚都痴住我腳邊,想按摩.

1) 悶就會悶架啦 好似你一日唔出街咁
你可以買條tunnel仔俾佢玩
亦都可以買間草屋俾佢破壞

2) 每日至少放佢出籠4個鐘
你可以同佢按摩下, 梳下毛, 培養下感情

3) 兔仔開心時會跳兔仔dance, 跑得好快~~ 好似癲左咁~~
你見到就會好開心~~

兔仔可以單獨一隻養的。
當然﹐不建議長期放在籠中。每天最少給他30分鐘在籠外走走吧﹐會對身體好些﹐始終兔仔也需要運動。

每天抱一下兔仔﹐對他講一些簡單的說話﹐讓他習慣你的氣味和抱抱﹐也是玩落和溝通之一﹐非常重要呵﹗

兔子開心時﹐會在地上走來走去﹐輕輕跳起﹐或跳起搖頭﹐也是開心的表現。

但不開心時﹐或病了﹐會經常縮起一團﹐那就代表兔仔有點不開心﹐或不舒服了。

常多點了解兔仔﹐或可參考一下網站。

兔仔都會怕悶架
如果你屋企地方許可,可以買個圍欄圍D大個地方
等你返工都可以有D大空間行下呀嗎
你又可以俾D玩具佢
廁紙筒,蘋果木都OK
如果有間紙皮屋佢地仲開心!!
同兔仔玩個陣你最好坐係地下同佢玩
感覺親密D
你可以拎D佢鐘意既野食引下佢
得閒就摸下佢個頭,按下摩
佢地都好開心架啦
其實佢地好開心個陣仲會跳起添
跳起個陣又會擰頭fing pat
唔開心個陣就可能縮埋一舊囉
不過小心佢地可能病緊呀

如果經濟同時間許可
養多隻陪佢又唔係壞事
但係兩隻首先要絕育
康復之後再慢慢相處先得啦