我想問一問 保安工作

本人曾於保安公司負責請保安員, 應該可以解答你的問題:
跟據警務署警察牌照科, 對於持牌保安公司的規例, 保安公司每請一個保安人員, 就必須查三年內該求職者的最少兩份工的工作表現, 亦即係要FAX 一份表格到你以前間公司, 等間公司填返你以前既職位及工作表現, 再FAX返去你公司, 等你公司將此查核表入返你的個人檔案, 警署會不定時派差人來查考這些檔案, 如果有太多員工檔案冇E啲查考記錄, 警方有權控保安公司違規, 嚴重者可以吊銷保安公司牌照.
好了, 規例法律講咗一大堆, 但係保安公司執行起來好多時都只係為咗交差. 即係話通常保安公司決定請個保安, 係未睇求職者以前僱主的回應時已經叫咗個求職者返工.
你最關心的問題, 如果真係請, 會唔會查完我啲過往記錄之後唔請我?
答案係唔會, 負責請保安的人, 幾信得過自已既眼光, 一面完試, 如果請的話, 就會叫你即刻攞個保安證出來蓋印, 蓋咗印已經請梗, 跟住會叫你即刻影相, 試制服, 編埋個崗位俾你, 仲會即刻打俾個崗位主管, 叫佢準備接收你, 至於FAX張表格俾你以前間公司通常都係最後做既嘢, 通常3至5日之後間保安公司先收到回覆, 到時你已經上咗工啦, 佢舊公司寫成點都唔會唔請你.
有D公司見完你之後, 睇啱都唔會即刻請你, 要FAX你的保安證副本去某個崗位主管, 問那隊伍的崗位主管接唔接收E個人, 咁樣你就要返屋企等幾日啦, 如果個崗位主管都話請, 就會即刻叫你上返公司辦手續, 唔會等你舊老闆回覆, 整個請人過程跟本就冇諗過參考你過往僱主的評語, 查你底只不過係警署要佢地做, 佢地打發工夫還鬼願而已.
見保安小貼士:
有好多人明明可以見得成一份八至九千元的保安, 但係只賺六千, 有D人無厘頭成日都一份都見唔成, 點解? 因為唔清楚行情, 以下係小貼士:
因為保安員係前線員工, 樣貎, 身型和純正廣東話口音係最緊要, 一般來說, 以男性而言:
中五至中七程度, 身高5呎8吋以上, 樣貎有形, 可以見得成人工約八千至九千元的十二小時更保安員.
中五至中七程度, 身高5呎8吋以上, 樣貎不佳, 可以見得成人工約七千至八千元的十二小時更保安員.
中三至中五程度, 身高5呎8吋以上, 樣貎有形, 可以見得成人工約七千至八千元的十二小時更保安員.
中三至中五程度, 身高5呎8吋以上, 樣貎不佳, 可以見得成人工約7K至7.5K的十二小時更保安員.
中三至中七程度, 身高5呎5至7吋, 樣貎有形, 可以見得成人工約6.5K至7.5K的十二小時更保安員.
中三至中七程度, 身高5呎5至7吋, 樣貎不佳, 可以見得成人工約6.5K-7K的十二小時更保安員.
中三至中七程度, 身高5呎5吋以下, 樣衰, 只以見得成人工約6至7K的十二小時更保安員.
中三以下, 樣好同樣衰都係六千五百元以下.
大專程度: 一定要收埋個學歷先有人請, E種情況, 我十幾年前試過, 揾咗好多間保安公司都唔肯請, 直至有人教我收埋個大專學歷來見工, 結果即刻有人請, 這才告別失業生涯.
以上只是一般情況, 有D地方重視學歷, 就算身高得5呎6吋, 都可以有8-9K, 例如香港城市大學的保安員, 只要中學會考成績好, 再加2年保安經驗, 就算得5呎5吋, 都有接近九千蚊人工.

最好去職業再培訓局
參加保安員課程
有津貼,最好,好在係幫手取埋保安員証
仲介紹大把工
之前 D 臨時工,
冇必要講
就是說幫親戚去地盤做散工
或幫手做小販等等

真係會有機會, 佢都想知你以前o的 working performance, 因為 ~ 保安工作係需要 ~ 保安咭先可以做, 都叫做 professional o的工作, 講真, 去到妮個地部都真係無咩辦法, 唯有以後比心機做好 D 工o羅, 仲可以點, 鬼叫你當初唔諗下你o的態度係會影響你o的前途咩