本人轉帳錯誤在某人銀行戶口,那筆帳款屬於誰???

如果你知對方是誰,可以私下同佢傾掂比番你
*例如好似我咁,有次我個女係yahoo拍賣買了嘢,剛結標,佢拿拿聲寫下入錢資料比我叫我入,對方是匯豐銀行,我又是匯豐銀行,我已經可以在家用電話立即過數了,本來是3.4元,我唔知睇漏個小數點,個女齋比紙仔又唔講清楚,咁我就入了34元,我入完同阿女講幫你入咗34元比人啦,阿女先話唔係34元是3.4元,咁我話佢唔講清楚,個點咁細都睇唔到,而且佢應該用口再交代清楚入幾錢,咁佢即刻同個賣家講番入多了錢比佢,個賣家都好均真,佢見真的入多了,佢又即時用網上理財退回多了的比番我..
咁都要知入了比邊個識得佢都話可以傾下,咁對方好人一個,佢都會比番你...
而如果你自己入錯a/c no.(錢銀嘅嘢,我每次都再三檢查有沒有按錯數字)你根本唔知a/c no.主人是誰,你問銀行,銀行都唔會講客戶嘅嘢你知,而且是你自己錯,唔關人事,...即是好似你係街跌了錢咁,你都無得向邊個追討番啦

如果你知道對方是誰,你問佢攞番,佢唔比,你可以大下佢,話報廉政公署,..睇電視都見,d人戶口多了錢(有d是比人想屈佢,特登入筆錢比佢,屈佢貪污)筆錢不是呢個人應得的不明錢,會比廉署扣查

你錯誤轉帳咗錢去某人的銀行戶口, 由於你並無任何意圖將該筆款項贈送對方, 所以帳款仍然係屬於你嘅. 對方並沒有權不退還俾你. 唔可以話係自己犯錯, 攞嚟衰嘅. 我泊架車喺你個車位, 係唔係代表你可以揸走我架車?
對方明知筆錢唔係佢嘅, 仍不退還俾你, 就即係想 "意圖永久地剝奪該另一人的 財產", 己經犯咗香港法例第210章<盜竊罪條例>第9條 - 盜竊罪, 是刑事罪行. 有可能會坐監嘅.
<盜竊罪條例>第9條: 如任何人不誠實地挪佔屬於另一人的財產, 意圖永久地剝奪該另一人的 財產, 即屬犯盜竊罪. 循公訴程序定罪後, 可處監禁10年.
當你發現轉錯數, 你可去銀行填張form, 要求對方授權銀行將該筆款項轉番俾你. 銀行會發信戶口持有人, 請佢簽名授權將該筆款項轉番俾你. 如果對方唔肯簽, 銀行無錯係唔可以私自轉番d錢俾你或將對方資料俾你. 咁你可同銀行講, 叫佢通知對方, 如果3日內對方重唔授權銀行轉番d錢俾你, 你就會報警. 通常一聽到報警, 對方都會就範, 乖乖地回水.
真係唔肯俾番你, 你就報警. 警方會由銀行度攞到對方資料, 然後揾佢. 一有警察上門, 對方都會就範, 乖乖地回水.

2008-04-30 21:45:29 補充：
mary師姐: 呢個case同 "係街跌了錢" 唔可相題並論. 係街跌咗銀包, 如果唔知係邊度跌, 就無計啦. 但如果見到有人執咗, 你都會叫佢還番俾你啦.

佢唔退你奈佢唔何, 因入帳你自已入去佢個戶口到, 佢唔俾返你, 銀行都無計or 唔會幚你追, 唉~ 當破財啦..

銀行唔知你地係咪真唔相識或者有無錢銀瓜葛，亦有需要保障對方私隱，所以唔會向你提供對方任何資料，只會幫你通知對方。如果對方唔肯退還款項，銀行係無責任亦無權私自係佢戶口退返俾你。但咁唔代表d錢歸左對方所有，你可以入禀法庭或者向小額錢債審裁處申訴，追討對方。

銀行只會幫客戶通知對方??
對方不退就沒辦法嗎??
macy7969 你又落在幾多錢在人手上呢-.-??

我真係試過咁情況, 對方唔肯退返d錢, 銀行話責任唔係佢度, 因為銀行唔會俾對方既資料你, 我根本就冇辦法追, 唯有靠銀行, 我最後都攞唔返, 你最好打定輸數啦!