大阪(自由行)

1.請問係關西機場去大阪日航酒店搭咩車呢？(路線,價錢,時間)

⇒ 由關西空港去大阪日航酒店﹐有3個方法可以選擇。
①坐機場巴士(近鉄上本町・心斎橋・OBP発着線)。 但係停日航 酒店既﹐每日只有4班 (關西空港開 17:25, 18:25, 19:05, 20.25)。 車程約50mins, 車資1,300yen。 (唯一唔洗轉車既方法﹐但係班次太少。 尤其一般去到大阪都係中午左右﹐所以可能用唔著。)
②坐機場巴士(なんば（OCAT)発着線)到難波 (每30mins一班車﹐車程約48mins, 車資880yen)。再從難波(なんば）轉地鐵御堂筋線到心齋橋站。(車程2mins﹐一個站﹐車資200yen) 地鐵站8號出口就係日航酒店。 其實﹐由難波行去心齋橋都唔係好遠﹐行10mins左右。但係如果你多行李﹐就無辦法啦。
③坐南海電鐵空港線﹐到難波。 (車程約38mins﹐車資890yen)。到難波再轉地鐵去心齋橋。

2.請問係大阪富士屋酒店去關西機場搭咩車呢？(路線,價錢,時間)

⇒無直接車由依間酒店去機場。 你可以選擇搭的士去難波站(OCAT)答巴士去機場。 或者搭地鐵﹐由長堀橋站﹐搭一個站去心齋橋 (長堀鶴見緑地線)﹐ 再轉御堂筋線去難波﹐係難波搭機場巴士。

3.係大阪富士屋酒店搭咩車去京都呢？(路線,價錢,時間)

⇒我會選擇由酒店行去心齋橋站(大概10mins)﹐坐地鐵御堂筋線到梅田(車程7mins, 車資230yen)﹐梅田站連住JR大阪站﹐由JR大阪﹐坐ＪＲ東海道本線新快速 敦賀方向﹐2個站到京都。 (車程29mins, 車資540yen)。

4.京都巴士daypass係邊到買？價錢？

⇒京都巴士 day pass, 有一日乘車券(1,200yen), 同二日乘車券(2,000yen)。 用依種day pass可以任搭地鐵同巴士﹐但係唔可以用o係去嵐山既巴士。 你係JR京都站﹐烏丸中央口出﹐就會見到個巴士站﹐站頭有個counter仔﹐你會見到京都バス一日乗車券既banner﹐係果度就買到架啦。

5.請問有咩要特別注意？

⇒ 無乜特別啦﹐祝你旅途愉快啦~~