抽血員我仲差d 咩呢??

你要睇開少少, 或者你唔明香港的請人模式, 其實就算符合晒佢所講的要求, 都好多時見唔成工, 因為佢印出來果個係最低入職要求, 競爭起上來, 又點會請只係符合最低入職要求的人? 而且佢地個最低入職要求其實已經過時, 十幾年前D人冇機會讀咁多書就話中五已經係好高學歷, 乜都做得遮, 而家已經唔係, 不過咁大間醫院, 要改請人廣告, 唔知又要經過幾多重審批, 所以仍然登出來話中五可以申請.
就好似房屋署咁, 物業主任登出來就話中七可以申請, 其實大部份見得成E個位的都需要有房屋學碩士學位. 十幾年前, D醫院請人廣告都寫明中五程度五科合格便可申請做文員, 結果呢? 要中七張CERT考得幾好吓先入到去做, 而家就可能要求更高, 因為十幾年之後的今日大專學額多咗幾倍, 現在最少要大專或大學才可入職文員都唔出奇.
尤其是醫院的職位人工確實高過出面好多吓. 有成九千至一萬, 通常E類只表示中五程度便可申請但人工於私人市場己超過一般大學畢業生市價一段距離的工作, 一登廣告就會收到千幾二千封信, 因為待遇太吸引, 太多人有興趣, 求職者由中五畢業至碩士程度不等, 個負責人淨係睇都睇唔晒, 求其揀部份既RESUME來睇, 睇唔到你果份都唔出奇.
你如果要夠本錢同人爭, 就要讀大學學位, 而且仲要讀返跟醫療有關的DEGREE, 如果你想做化驗室助理, 冇理工的醫療化驗高級文憑的話, 跟本連少少機會都唔會有[其實十七年前 只要會考化學科(課程乙) 攞B便可以做化驗室助理, 但係我當年攞C, 所以見唔成, 而家緊係唔會咁容易, 會考攞個B就話俾個位你做], 如果抽血員都有八千蚊人工, 咁你起碼都讀埋中七, 考物理, 化學及生物, 最少考到幾科合格先再去見鴉, 如果唔係, 試問一個中五畢業生又點會爭得到一份八千幾蚊的工作? (因為現時中五畢業生的市價係五千幾蚊!)

你可以參考下，希望幫倒你
www.e-home-hk.us

雖然你讀了急救, 但最大的原因是欠缺經驗......

其實中５畢業, 也要賞試找其他工作, 不要盲目地找抽血工作, 只要邊找邊做才是正確的方法