關於壽司學徒問題! (板前,一壽司 ,峰壽司)

唔知大家認為本人應該選擇邊一間去見工? 三間都見。如果你真係想入行，點解放過任何一個機會？如果你只揀一間見工，你可保証人地一定會請你？見多一間就多一個機會。亦可當作interview training 。
仲有,我想問係邊間做前途會比較好,點解? 暫時我只知柀前是集團式經營，如果冇記錯，味千拉麵都是這個集團，亦是上市公司。佢地的老闆，對推廣日本食品很落力，很積極。另外兩間我就唔清楚。從打工仔的心態來說，始終希望在大公司打工，因為
1 公司政策︰大公司制度完善，會願意提供較好的福利（大假，醫療，獎金）比員工。小公司因為人手安排問題，一般唔會比太多大假員工。
2 職任編制及升職制度，大公司有固定的編制，升職亦有既定要求，所以擦鞋文化無咁緊要。反而細公司真係好睇老細同上司點睇你，有學歷，有經驗同做到野都未必有用。
3 在職訓練︰大公司唔介意提供在職訓練，亦唔介意你自己出去學野。但細公司就未必，因為佢地用唔到太高級的職員，你技能提升左，怕你做唔長，又怕你讀書辛苦，影响日間工作，而其他同事都會怕你影响到佢的地位，所以讀書唔會話比人聽。我就試過比上司刻意留難，迫OT（但 d野唔Urgent）返唔到學。
對於學徒而言，這三點是考慮因素。但到了管理層（Manager），可能要考慮其他野。
在唔知其他兩間壽司店的規模前，我會揀板前。

我未做過，但我覺得三間無論食物價錢、分店數目、人氣都差唔多，所以發展方面應該唔會有太大分別...