點解個女仔要突然唔再理佢自己心愛既男仔(女仔入)

我係男仔,上年返香港12月初時識左個女仔,最初我唔知但後來有次我發現佢好怕羞咁凝視住我,跟住佢不斷好有計劃咁一次一次向我暗示,成日行埋我度/偷望我又即刻拎開/俾我發覺佢會微笑/突然化妝濃左/深深凝視住我....我最後肯定左之後我好驚索哂大氣,佢見到暗笑我....

我好俾佢知我都深深愛上左佢,但我好快就要離開香港,我唔想辜負佢既期望所以一直都好冷淡唔知點咁樣,我睇得出佢好失落唔開心,但佢仍然冇放棄繼續做好多野吸引我注意,最後我決定我要同佢講,0係我可以最後一次見到佢時俾左個袋俾佢,我寫左封信解釋返哂,但我驚佢接受唔到異地情,所以我冇講到我愛佢,只係話對佢有左感覺同希望可以至少成為朋友,俾左份好有愛意既水晶禮物,俾左5個聯絡方法俾佢叫佢SD返電話同MSN俾我....佢收我個禮物袋時仲好友善咁對我,但當時佢唔知會再見唔到我....

好可惜佢冇再彩過我,我好傷心難過,因為我真係已經深深愛上左佢....有人話個女仔會以為我想間接距絕佢又或者佢接受唔到異地戀,所以我先後用左好多錢0係紐西蘭速遞左2個包裹(信+禮物)去佢公司轉交,2次都解釋我係對佢真心愛佢,講左我好希望我地可以一齊,我叫佢唔好再唔理我....但好傷感佢呢3個月裡面都冇理過我....

我覺得好唔明,亦都好難受,究竟因為咩事要絕到明知我等得咁辛苦都完全唔理下我,就連一句距絕我都冇,我真係痛苦得要死....

(1)個女仔點解會唔理我(係佢自己鐘意我先),佢諗緊D咩??
(2)個女仔係咪真係會一世都唔再理我(大家點都冇理由要變成咁)??
(3)我應該要等幾耐(我過左91日都仲係一樣咁愛佢)??
(4)我應唔應該再寄多封信俾佢,同信度有D咩要留意(要經佢公司連佢收唔收到都唔知)??
(5)究竟我要點做個女仔先會彩返我(我真係好辛苦)??
(6)如果妳係個女仔,妳會希望我點做??

希望有心既女解答者幫下我,我好痛苦好痛苦,妳地有任何意見都歡迎