養魚...問題 [我係初學者]

頭咁大o既缸，當你頭唔係好大
圖片參考：http://tw.yimg.com/i/tw/ugc/rte/smiley_4.gif
，有１８升水，參考數字係每一升水可以養一厘米長o既魚當你養米奇，三厘米一條，咁就可以養六條，如果濾水做得有效，可能可以養到七條。養魚唔係入罐頭，要地方游，唔可以逼埋一堆，你都唔想成日同人逼啦，但同你ｄ朋友又唔同，所以群居o既魚可以忍受較逼o既缸，但係過濾系統處理屎尿o既能力係有限o既，呢個亦成為養魚數量o既限制因素。
主要設備請參考下面引述我一個解答新手o既答案，呢度主要答你具體o既問題。
氣泵唔係必須，只要你有其他方法令溶氧量增加就得，如缸頂式過濾器、掛缸邊o既過濾器，都有水打落水面，對溶氧都有幫助。如果冇足夠光線同二氧化碳，水草不能供氧，反會增加耗氧（請參考我另一答案：http://hk.knowledge.yahoo.com/question/question?qid=7007112000756），而氧氣珠就唔好用啦！冇蓋可能會令水面氣體交換增加，但份量唔會夠魚用。
暖管冬天用，廿度以上真係冇需要。燈如果冇種草，就只係人睇魚用，冇都唔會死魚。
餵糧冇限時o既，當然唔好半夜三更，黑到ｄ魚睇唔到時餵啦。一日一次都夠架啦，三分鐘內食得哂就夠，除非你係想谷肥ｄ魚，又唔怕食得多痾得多要密ｄ換水。
參考（http://hk.knowledge.yahoo.com/question/question?qid=7007100802243）：
１．不應超養，一升水約養長度 1cm o既魚，因為魚o既屎尿都係有氮化物如阿摩尼亞，呢ｄ係有毒物質，水多就可以稀釋，但魚多的話，濃度就會增加得快，高到一個水平就會毒死魚。所以超養真係有性命危險。
濾水器要有生物環同生化棉，因為呢ｄ濾材有大o既表面面積俾硝化菌附著。硝化菌會將水中o既阿摩尼亞變成冇咁強毒性o既硝酸鹽，所以濾水器容納o既生物環愈多愈好，等硝化系統多ｄ菌住o係度。
濾水器o既作用，係用泵不斷將水泵過濾材，等硝化菌不斷處理廢料，最少一個鐘將全缸水循環六次。
２．新缸其實入水後要任由運作濾水器運作一斷時間先會培養到足夠硝化菌，開始時只加一兩條魚，等佢地o既大小二便俾食物硝化菌，一兩個星期後，ｄ魚唔死，就表示硝化菌數量足夠，然後先可以慢慢逐少加魚。
３．新手大忌係立亂買魚，唔知魚性結果買埋藍斑馬、小王子呢ｄ惡魚；九角龍呢類食魚仔o既魚；仲有會大到成尺長o既琵琶。買魚前研究清楚，可以去討論區問下人，或上網／睇書搵下資料，千祈唔好問售貨員，多數撞板。
仲有，唔好貪得意，又買ｄ龍蝦、龜、蠑螈入缸。魚還魚，蝦就要買水草蝦，幾蚊包o個ｄ蝦有對大鉗，會捉魚食架！亦唔好買紅白色靚蝦養，一來貴，二來被魚啄你就揼心口啦。
另外就係買左病魚。新魚有病，會搞到成缸瘟疫，所以買魚要揀清楚，摺埋鰭／尾，同缸有死／病，身上有爛尾／鰭／白點／一舊發霉狀白色物體／身上一片白左色／魚眼浮腫，都要忍手唔好要。
另外，唔好貪平買袋裝魚。袋裝魚一般死亡率高，因為你唔知佢入左袋幾耐，剛入袋都可能係一有貨到就即入，舟車勞頓，身體係會差ｄ。所以最好唔好買袋裝魚，特別係個袋冇乜氣，水唔清，魚唔精神o個ｄ。
買左後，要原袋放入缸五至十分鐘，等袋中水溫同魚缸水一樣。呢個步驟叫做對溫。
然後，可以先倒去袋中部份o既水（如倒到剩返四份一袋，但當然要視乎袋size 同魚o既數目），再慢慢加入魚缸水，加完隔五分鐘再加ｄ，等魚適應魚缸水質。呢個步驟叫做對水。加到係原袋水o既約三倍，然後將魚撈出入缸，袋水唔要，以免有病菌。
４．其他裝備，最基本係氣泵同氣石啦；怕停電，可以買乾濕兩用o個ｄ。仲有一盞燈，方便自己睇魚嘛，但唔好開足廿四小時，因為魚都要分日夜，要俾佢有得訓。冬天或者夏天冷氣開得勁的話，要有暖管，將水溫維持約廿五六度－－咁即係要有個溫度計啦。
５．平日管理，換水一星期最少一次，如上所述，要養水。大缸養唔到咁多水，你咁細個缸就唔好懶啦。每次換水量為一半至三份一缸。重點係集中吸缸底ｄ屎／屎粉。可以買一個手動泵去吸。換水時可以將過濾器o既濾材用抽出o既水沖一沖，等ｄ大粒o既垃圾清走即可，千萬唔好用水喉水，因為氯氣殺菌。白濾棉唔一定要換，黑哂先多菌呀！一樣用舊水沖下就得啦。 夏天天氣熱，缸唔好放o係太陽晒到o既地方，除左生青苔之外，會煲魚湯。注意水溫，如果到３０ｃ就要買個夾缸邊o既風扇４５度角吹住水面降溫。
６．餵魚一日一次夠啦，放糧要三至五分鐘食得哂為準，少少餓唔會死，多多糧食唔完會爛，食得哂就狂痾，都會令水質差。要留意魚有冇我上面講揀魚時o個ｄ癥狀，有的話要用細缸隔離，用藥。

當然有氧氣及暖管會好好多. 如果你又吾想買, 就可以加小小水草都可以, 無暖管的話冬天9成會冬死D魚

得,"頭咁大既魚缸"冇問題,但係都唔好養太多,因為你係初學者同埋你個魚缸太細個to養太多魚.養幾條應該得.因為如果養太多呢,d魚會精神緊張同埋唔夠地方活動,遲早會死.

養魚要ge基本設備係....我個人認為基本設備係濾水器同埋魚缸.因為濾水器可以幫你濾d水清d,同埋唔駛成日換水,仲可以打d氧氣係d水裡面添!不過你如果唔想買...可以唔買ge....不過好易死囉.因為d水質好容易差...要成日換水,同埋魚仔冇氧氣吸都會死.但係!!我個人唔認為用水草可以令d魚仔有氧氣吸.好多人都誤會水草任何時間都會製造氧氣出黎.但係唔係日日都會製造氧氣.當水草有陽光曬,就會製造氧氣.相反,如果冇陽光,就會製造二氧化炭出黎,就會冇氧氣俾d魚.最後都會死.你可以放d氧氣株.同埋你要keep住個魚缸係冇o野cover住o既,因為咁樣可以俾d空氣慢慢融響d水裡面.

幾時餵食糧就隨便你啦,不過一日唔可以餵多過三次.因為魚仔會飽死.同埋魚仔食唔晒又會令水質差.所以我認為每條魚一日就食大約20魚糧,分兩次餵.

如果你唔想買濾水器,就要4日換一次水,一次換2分1既水.

養住唔洗用氧氣個啲先 每日畀2次少

你個缸很細, 只可以養4條左右的細魚仔, 最好是不會大的那種魚,
當然有氧氣及暖管會好好多. 如果你又吾想買, 就可以加小小水草都可以, 無暖管的話冬天9成會冬死D魚, 祝你好運.