生仔去邊間醫院好, 要提前幾多去book定先.....

我上年生左第一胎，剛懷孕時都諗ｏ係公立醫院定私家生，個心一路都覺得私家好ｄ．
但一路聽朋友講，而家ｄ公立醫院好左好多，例如：衛生，醫生＆姑娘．
公立醫院真係平好多，而且自己又唔係十分有錢，所以最終都ｏ係政府生，留番ｄ錢比ｂｂ出世用仲好．
如果公立醫院就唔輪到你話邊間就邊間，因為而家政府已經立法，即自己住ｏ個區就要去返所屬ｏ個區ｏ既醫院～

2008-04-29 18:11:58 補充：
我o係政府醫院生，我老公都可以陪產．
剛生完ｂｂ　ｏ個日係姑娘幫你ｂｂ換便，餵奶，
但到第二日或你可以落床後，就自己幫ｂｂ換便，餵奶，
其餘時間，如幫ｂｂ沖涼，夜晚訓覺都係推番出去姑娘幫你照顧～

首先, 你要睇下你自己對生bb的過程會否有恐懼感, 因為我自己本身第一胎就陀孖胎, 而我都有d驚, 聽過朋友及家人的意見, 所以選擇去法國生, 始終私家醫院係比錢, 有得要求, 護士都會客氣及細心些; 而我同樣有你一樣的情況(都唔知邊間好呢?), 但私家醫生就好詳細咁解釋給我順產 or 開刀的過程, 另外佢係政府出黎自己做的, 佢都有解釋一下政府醫院or私家生的收費及風險程度比較給我聽; 其次, 係要考慮一下個 費用囉, 貴係因為每樣都計錢, 加上生bb過程裡會有埋麻醉師及兒科醫生在場的。

以下係我及朋友經驗給你有個參考:


(1) 我有去政府&私家做檢查, 政府醫院冇得比你有要求, 我到35週都話要排到38週先有得覆診, 問佢點解, 佢話人多睇係咁架啦! 有時想問多句d醫生都唔想答又唔解釋一下; 其實過左33週就要每個星期做檢查住個bb 既動靜。

(2) 我朋友係政府生, 佢順產 - 話痛到都真係頂唔順醫院都唔肯開刀的, 佢又係第一胎, 用左6個小時。 (不過生仔快慢係因人而以的); 另外生完一日後, 就推個bb係你隔離, 要你自己餵奶, 換片...會小d時間休息囉!

2008-04-29 00:01:37 補充：
我同我個妹都係九龍法國醫院生, 都幾好! 順祝生個肥肥白白BB!

當你考慮選擇分娩醫院時，你要考慮：
1.你預計所花的費用？
　　首要考慮當然是自己的經濟能力，基本上，每個孕婦的情況不一，由入院分娩至出院為止的短短數日，所需的費用很難一概而論，有些人可能只需花上數百元，但是亦有些人會花上數萬元不等，這完全關乎嬰兒的出生地。
　　以私家醫院為例，順產、住大房者約需萬五至二萬元左右；剖腹、住大房者則需二至三萬元左右。其實，每所私家醫院的收費標準，各有不同，以防生產費用超出預算，最好就是在你作出抉擇前，向有關醫院查詢。
2.你所選擇醫院的風格？
　　所指的其實是醫院給予你的自由度，包括：丈夫可以陪產嗎？陪產人能在醫院陪孕婦過夜嗎？及探病時間等。為選擇一所合乎自己需要的醫院，最好直接向有關醫院查詢。
3.醫院所提供的嬰兒照料服務？
　　對於初生嬰兒的照料，有些醫院是由醫護人院負責，有些則交回產婦自行照顧，所以怕辛苦或擔心產後體力暫未能應付照料小BB的你，最好問清楚，究竟醫院能夠為你和你的BB提供什麼服務。
以上的資料希望可以幚到你啦~

私院的話, 其實間間都唔差,
最緊要你搵邊個醫生幫你咁解啫,
係就要快, 因為好可能己經爆滿.......
其實依家公立醫院都好好
d人話d姑娘會鬧人, 其實都唔係咁多呢d姑娘
我朋友屯門醫院生, 佢重話d姑娘好細心添.
俾我揀我會揀公立醫院, 因為真係平好多
同樣都係住四日三夜, 但一個只係$350
另一個分分鐘$35,000都唔夠用, 我覺得條數相差太遠
寧願留返d錢俾bb出世後用好過

1)政府(QE)
2)私家(法國 OR 仁安 OR 山頂)

快D BOOK ，內地人已入侵了!!