作小產嚴重嗎??

我有咗頭兩三個月的時候，都係見啡同見紅，所以立刻去睇醫生，醫生都講過頭幾個月係要小心啲（個胎仲未穩定），一有見啡或見紅就要同醫生講（見紅或見啡已係作小產預兆），確保ＢＢ嘅健康！記住要休息多啲，唔好攞重嘢，唔好咁大動作同操勞過度，仲有唔好跪底同踎底嘅動作，依家個肚雖然仲未現，妳都可以摸住個肚皮同個胎講（媽咪同ＢＢ一樣要努力，叻啲，個胎都感應到咖，嗰陣時我都系咁同自己打氣），依家最緊要每做一件事都要好小心．

以下有小小資料希望幫到妳．

我有咗的時候，好多菜都唔敢食，只食菜心，油蜜菜(中醫講)，西生菜小許．可以飲鮮奶同孕婦奶粉都可以補充營養或者鮮奶燕窩／燕窩燉雞／花膠燉雞．豬都得(好有營養)．

多食花膠都無妨，因有滋陰同有黏性作用的，都有一定可輔助子宮的功效！

還有婦產科醫生比咗張紙我，說有咗之後忌食什麼東西．

忌服：木瓜，苦瓜，黃瓜（即青瓜），節瓜等．

忌飲的東西：含咖啡因飲料，如中國茶，奶茶，檸檬茶，唂咕及可樂等．

每週吃海鮮不可多過四餐，如魚，干瑤柱，帶子，象拔蚌及蠔市等．

以上的食物都對胎兒有一定的影響，盡量忍口吧！不可不信！

木瓜真的很厲害，我試過小產之後無做任何手術，只吃木瓜都可以落掉個胎．



祝妳同未出世BB健健康康！

我曾經小產兩次，亦試過一次宮外孕，我最後一次懷孕，喺第六週都試過作小產，住咗兩日醫院，見紅現象出現咗足足一個多星期，好似月經咁，由多變少、血色由深變淺，但後來都平安過度，我仔仔而家巳經三歲啦！其實順其自然啦，因為好多時小產都係因為胎兒唔健康，唔能夠正常發育，即使勉強留得住佢，都未必係好事。

我本月18日流產了。怀孕8周、嗰日約佐產前檢查，早上起身見到有啡色嘢。十點零鐘見醫生、跟住醫生同我做陰道超聲波。ＢＢ重有心跳。醫生交代我如果有流血就即刻去急症室，如果只係流啡同粉紅色就唔使太擔心。回家之后到晚上就覺下腹痛、去廁所有見紅。跟住我就去急症室。沒等到見醫生，我個肚已經好痛。跟住去廁所已見到流好多血。咁就流產咗。多啲休息。希望你生個聰明、健康的寶寶。

我前年有咗第二胎, 本來好開心。約是八至十星期左右, 發現見紅。第二朝去看西醫, 西醫俾左幾粒維他命, 說是有安胎作用, 及吩咐要在床上休息。第三天, 沒有好轉, 我自己入醫院, 已經是大出血, 要用M巾。醫院即日幫我照肚, 話個BB係宮外孕, ( 即是BB不是在子宮, 在輸卵管著陸), BB再大會迫爆條管, 大人和BB都會X。出血沒有"肉"流出, 要即日做手術取出。就係咁無左個BB。而且做完會有後遺症, 以後的生產機會少了一半; 所以, 見紅, 還是要小心一點, 多D CHECK住, 多D休息。

作小產
凡妊娠前半期發生陰道出血者均稱為先兆性流產，但是事實上，對90%的孕婦來說，妊娠仍會持續進行的。一般來講，每個胚胎在植入子宮內膜時，均會造成少量出血稱為胎盤徵兆。只是這些出血大部分被吸收或被阻擋在子宮內，不會流出來。只有約1/4的妊娠會被發現有出血現象，其中一半會因此導致流產，另一半會自癒。若胎兒健康，縱使孕婦曾作小產，亦不會真的小產，同時胎兒的成長與出生，並不會因而多了問題，更不會影響將來發育。故此，有「作小產」情況的孕婦，先別憂心，應立即就診。若檢查後發覺完全沒有問題，胎兒正常，孕婦流血亦不多，只要照常覆診便可。





2008-04-28 09:41:53 補充：
如準媽媽們要注意如有這些症狀，應趕快就醫：

發現出血，小腹中央部位同時還會疼痛或絞痛。
疼痛情形很劇烈，或持續疼痛超過了一天而仍然沒有緩和跡象。
出血情況像月事來潮一樣多量時，或出血情形連續三天以上時。
發現出血中帶有淺灰色或粉紅色凝塊—可能表示開始流產。

2008-04-28 09:42:17 補充：
一旦發生了先兆流產，作小產的孕婦應該休息，不要擔擔抬抬、工作24小時，或作任何高危動作、跑馬拉松等，心情放鬆。先兆流產的治療可以在發病時開始，治療至症狀消失後1周，甚至更長時間。