請問各位大大，我婆婆93歲可不可入老人院

如你不懂得為長者選擇安老院，應直接向附近的社會福利署的家庭服務中心或長者中心社工求助，不要相信任何外間的安老院介紹公司或機構。那些公司或機構雖然不會收你介紹費，但他們會在介紹長者入住安老院後，收安老院回佣；以往已有很多個案，該等公司為收安老院回佣，胡亂安排長者入住不合水準的私人安老院。而他們亦不受法例監管的。因此，為了長者福祉，快去聯絡附近的社會福利署的家庭服務中心或長者中心社工求助吧！社會福利署求助或查詢電話為：23432255

除社會福利署外，我建議利去找立法會議員或防止虐待長者協會的社工求助，在報紙上見到，梁國雄及張超雄及防止虐待長者協會，都經常處理安老院的求助及投訴，我估你可聯絡他們尋求協助。

我婆婆都中風入住愛德老人院由於佢要床,所以係護理既老人家, 政府買位既老人院排黎排去都未到佢......而我都唔覺得係政府既安老院先好...因為政府買位都有係私院架啦....

我自己都係安老院到做.....我擇左愛德安老院....佢有五間分院.....我聽d同事講都話幾好......因為我地都唔可以將老人家放係自己做個間老人院...所以多數自己會再搵.....

每月只需$5,500 (佢係個間老人院都住左兩年,到而家我都好滿意), 而你話安老院要兩萬蚊就好少......除左要私家看護啦.....

一般你搵安老院最重要係睇環境,多唔多雜費,近唔近自己......仲有最重要既係d人親唔親切等等...

愛德既安老院有係元朗x2,葵涌,沙田,九龍城(阿阿婆住緊個間)

P.S 我係超唔同意你去劍X之類既安老院.....有可能你地唔係做呢一行唔知......佢個名已經唔同幾年前架啦....而家個名好臭.....雜費又多....

另外我建議你自己去睇安老院既環境....一定唔好信成日買廣告話有社工免費同你擇安老院個間野長者X!!!
因為佢只會介紹可以俾佢抽佣既安老院.......點解安老院會被佢抽佣??咪係你地個個院費到加囉............

請相信我....

我唔想有家人同我之前一樣......害到自己親戚咁慘先知道咩事.........

我親戚又係中風入住私家老人院 (行動不便, 用拐杖), 又係排o左政府的老人院差不多兩年, 最後憑地點、價錢揀o左第一城「劍橋護老院」, (Tel : 26378686) 每月只需$7,000 (佢住o左兩年, 價錢截至上年四月為止, 因已過世), 未聽過普通私家老人院要超過一萬, 就算九龍塘一般都只收$8,500度(包尿片任用).

$7,000 包括 :
- 獨立板間房, 獨立電視機, 房內仲有獨立水喉/廁盆, base on 咁o既價錢都算唔錯la
(房價有分單人、雙人、窗口等等上落大約二至三千蚊, 一定要議價)
- 隔日沖涼
- 每日包四餐 (早、午、下午茶、晚餐)
- 換尿片 (尿片唔包, 要自行購買)、剪指甲、剪髮.....等等(如需要)
- 派藥及餵藥

***** 每星期有兩次由「沙田醫院」外展醫生到診
(院友如有不適/小毛病可於星期一、四早上十一時前報名, 診金免費, 如需藥物, 要於四時前自行拎藥單到「沙田醫院」交藥錢及取藥. 護老院可代勞, 一般收三百大元另加交通費)
***** 塗藥水或洗傷口- 一般由衛生署外展姑娘每天 (星期一至五) 負責
***** 你o地有冇申請「高額傷殘津貼」呀??? 每月大約有二千幾蚊架, 幫補o下D尿片雜費都好丫, 申請暢情請向駐院社工求助.

希望以上資料幫到你, 如再有問題, 可寄信給我!!

2008-04-28 16:03:45 補充：
第一城「劍橋護老院」
- 院友年齡以我所見由四十幾至100歲都有
- 男、女院友房間會分區域
- 仲有夫婦雙人房
- 獨立板間房高度o.k. (不是到天花板, 大半高度, 除非身高好高或刻意內望, 否則院友絕對可保持私隱)
- 每星期洗衫大約三次左右, 一般是沖涼當日會洗衫, 乾衣後會幫院友放回衣櫃或睡床底下膠盒內

*****小貼士 : 所有衣物要用不退色筆寫上姓名, 然後放入洗衫網袋(都要寫上姓名) 交給老人院代為清洗. 同時家屬要經常檢查衣物是否齊全, 以防遺失. (最好入住前影相留紀錄, 我o地試過幾次憑相找回失物)

排政府的，的確時間比較長，我婆婆都等左３年，佢都係中左風，因為政府老人院質素好ｄ(好過私人的,質素參差, 又貴)，無人走，就無位, 所以93歲應該唔係問題。

或者你可以試下同社工講下你屋企既情況，可能有得快d批到。如果你唔係咁揀擇, 地方遠少少都去既, 可能仲快...但都要睇番你地去探佢既方便性...因為始終老人家入老人院之後, 如果無人探都幾慘..