我想問d 專業人士, 有關人工受孕問題

我並非專業人士！我都可以解答到妳小小．
1)　在私家醫生的費用大約要幾千至萬幾蚊一次療程（要視乎要做什麼檢查（第一次要令外收費），如之前做個任何嘅檢查，最好一起帶去見醫生），而政府就計門診費用，不過時間就要等好耐，每朝一早要去排隊（因太多人有不育問題），無得預約時間．

2)　週期起計（有的十三日可以排卵，有的十八九日至排卵），要視乎妳的效果（藥物會幫助卵子成熟），大約兩個星期多時間完成一個療程，而每週期大約二十八日至三十二日左右．

3)　在療程中，通常在十二三日會睇卵子嘅發展（卵子的size），都系睇妳個人嘅吸收能力好唔好（卵子）．

4-5)　人工受孕並唔系100%會成功，有的做一次就攪掂（因卵子同精子結合到，同時着床得好）．有的要做幾個療程都未能成功（療程最多可做六次），如果六次療程都唔成功，就要做其他療程去幫助生育，如：試管嬰兒(IVF)．．．．等．
以上資料希望幫到妳．

2008-05-02 16:13:08 補充：
其實我都唔想嚇妳，"人工受孕" 系有成功機會，但成功後都有小產機會，因妳之前都試過小產，所以都有可能有下一次．因我都試過小產三次，同妳一樣都系BB無心跳，所以一定要好小心．醫生講過如小產過的人，系有可能再會小產（叫慣性小產）．不過都唔好灰心，我依家有一對孖女．

最好嘅方法就系：有的時候要小心食嘢，多啲休息，食多啲有營養嘅嘢，放開心情去迎接下一次來臨，寄住唔好比自己咁大壓力，會影響受孕機會咖．

2008-05-02 16:16:37 補充：
應盡量減少飲凍嘢！食多啲有膠質／滋陰嘅食物，如：花膠，燕窩，冬虫草或雪蛤膏．多食花膠都無妨，因有滋陰同有黏性作用的，都有一定的輔助子宮嘅功能！

涼嘢如瓜類菜類（所有瓜類，白菜，小塘菜，紹菜，娃娃菜都熟偏涼），未有ＢＢ前都盡量小食或唔好食咁多．

2008-05-02 16:17:07 補充：
我有咗的時候，好多菜都唔敢食，只食菜心，油蜜菜(中醫講)，西生菜小許．可以飲鮮奶同孕婦奶粉都可以補充營養或者鮮奶燕窩／燕窩燉雞／花膠燉雞．豬都得(好有營養)．

多食花膠都無妨，因有滋陰同有黏性作用的，都有一定可輔助子宮的功效！

2008-05-02 16:17:17 補充：
以下有小小資料可給妳作參考：（未有時，西醫婦產科醫生亦講過，以下東西都會影響懷孕，所以我有的時候，都好小心食嘢）．

還有婦產科醫生比咗張紙我，說有咗之後忌食什麼東西．
忌服：木瓜，苦瓜，黃瓜（即青瓜），節瓜等．
忌飲的東西：含咖啡因飲料，如中國茶，奶茶，檸檬茶，唂咕及可樂等．
每週吃海鮮不可多過四餐，如魚，干瑤柱，帶子，象拔蚌及蠔市等．
以上的食物都對胎兒有一定的影響，盡量忍口吧！不可不信！
木瓜真的很厲害，我試過小產之後無做任何手術，只吃木瓜都可以落掉個胎．

補充多點關於人工受孕的資料 :

「人工受孕」這個名詞，大部份的人都聽說過，但並不瞭解，其實它是一種最古老且簡單的輔助受孕方式，簡單的說：就是將精液置於不同的培養液利用離心及游離方式，除去活動力不佳的精蟲，白血球，細胞，細菌及一些化學物質…等，將活動力良好的精蟲濃縮後，再把這些活動力良好的精蟲，利用特殊設計的導管，經由陰道及子宮頸，送到子宮腔內，藉以協助受孕。

更進一步資料，可以參考下述連結 :

http://clinic24.mysinablog.com/index.php?op=ViewArticle&articleId=2314075