這樣算是騙局嗎???

當然我們無法肯定咁樣見工係騙局. 不過話時話, 如果一間正常公司請一個人, 一般都會叫人上自己寫字樓, 咁樣會show到自己公司有幾好規模, 有幾好設施, 有幾多員工等. 叫應徵者係某地鐵站出口等, 係咪公司根本唔存在? 又或者根本無寫字樓?

係咁就出現問題, 咁點簽合約? 邊間公司提供保險, 福利或勞工保障等? 見應徵者既人係咩人? 會有好多咁既問題, 所以我覺得多數係騙局, 亦有可能係推銷既工作, 又要先俾錢做訓練, 俾錢買貨等, 如果唔係好清楚份工, 最好就唔好去啦. 小心俾騙徒騙財.

我覺得好大機會會係傳銷之類既工，約你o係地鐵站等，跟住可能就會帶你上佢地公司，然後搵幾個人輪流同你講幾個鐘頭野，洗你腦游說你俾錢入會，我認為你最好都係唔好去，如果唔係車錢都蝕埋。

我出嚟打左工咁耐, 從未試過咁樣見工法, 你應該問下佢, 點解唔約係寫字樓見?? 公司就算得一個人都有辦工室啩.....
梗係唔好去啦..............

就算唔係騙局, 依間公司都唔會對員工負責任, 更加冇任何福利或安全保障. 最好唔好去見工.

如果你好想去嘗試, 見面時要你即時簽合約或要交費用, 就對佢講聲拜拜.

一間正當公司，點會叫應徵者係街等，九成九係騙局，警訊都做過唔少。工不要心急，騙子就是利用求職者這種心態行騙，小心小心。