有沒有倉鼠回收?

✔ 最佳答案

其實好多賣鼠既地方都會接收鼠b,連鎖店如Q-PET就未必收,所以可以去就近一D非連鎖店度,問左先,真係收就再送鼠去
但要留意,鼠B如果有毛病,就未必會收

睇到你既情況真係感到好唔開心,都明白而家你會好煩惱,咁多隻鼠唔知點好,但有野希望你真係會諗下:
你既鼠生左幾次BB,其實應該最初已經知道容納唔到咁多隻鼠吧?希望你經過今次要送走鼠B之後,會考慮唔好再繁殖鼠鼠,鼠鼠生育過係非常傷身,而且有咁多隻鼠既時候,相信都好煩惱;就算今次輕易地解決到,仲換到鼠糧返唻,都希望你會記得而家既煩惱,生育既問題,詳細可參考以下我回答既知識:
http://hk.knowledge.yahoo.com/question/?qid=7008010600899

唔知如果送走到呢十幾隻鼠之後,你會仲有幾多隻鼠呢?鼠b到左戒奶期(約21日大),就要同鼠媽鼠爸分開住,最好就係一籠一鼠,連鼠爸鼠媽都分開

A.鼠B戒奶後係要同鼠媽同鼠爸分開住,對鼠鼠唻講並唔慘既
因為鼠媽對BB既照顧只去到戒奶期,到鼠bb可以戒奶,鼠媽媽就唔再對鼠鼠有感情了,只會普通一隻成鼠咁看待
而鼠爸爸,更加係完全地對鼠bb冇感情的

所以一大一小既鼠住埋一齊,係好易會打死鼠bb or發生亂倫既情況,亂倫既鼠好易會有畸胎既出現

而就算覺得佢地好好,但到有一日見住佢殺死鼠b既話又會有咩感覺呢?對鼠鼠唻講會係受驚同感壓力,對人唻講,我諗都會十分傷心吧,我細個都有繁殖鼠鼠,都有試過呢個情況,養寵物都要了解返寵物本身既個性去處理,要鼠鼠違反佢地既本性,唔係對鼠鼠更唔好嗎?

B.理論上,倉鼠係獨居動物,在自然界鼠鼠只係發情時先一齊住,所以最好將鼠爸同鼠媽都分開住,唔係易打交OR繁殖,鼠鼠繁殖既速度十分之快,如非做生意等必要,希望你可以唔好再繁殖佢地吧

而鼠媽媽生育都會令身體變差,令壽命減少,生得多次數就愈對鼠媽媽唔好
加上繁殖咁多鼠鼠出唻,係咪真係可以俾到好好既生活佢呢?都見到不少人太多鼠要搵地方收留,就算自己養得晒,都會好煩惱呢
我試過買左隻大肚鼠返唻,最後生左4隻,有2隻俾左同事,之後3隻鼠3個籠,打理上唻都不易,而且俾到既時候同質素,絕對地冇養一隻咁多

其實鼠鼠最好分籠,繁殖鼠鼠會有好多問題,希望你可以考慮唔好繁殖鼠鼠
我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下::
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

回答 (2)