請問用valmont renewing pack及blue corn cleansing mask的過程?

磨砂同去角質mask係唔可以一齊用，因為磨砂同去角質mask o既作用都係一樣，會令皮膚角質層變薄。如果角質層太薄，就會容易出現敏感。其實同唔可以每日都做磨砂o既道理一樣。如果你想做磨砂同去角質mask，可以一個星期做一次磨砂及一次去角質mask，已經好足夠。valmont renewing pack比較保濕，係乾燥同甩皮較多o既情況下可以用多o的，但係都唔可以長年累月咁日日用。
使用磨砂或去角質mask程序如下︰
1) 用洗面乳之類潔面
2) 用blue corn 磨砂mask/用valmont renewing pack 補濕mask
3) 用化妝水 / 爽膚水
4) 塗精華素
5) 塗面霜


2008-04-27 16:34:48 補充：
深層清潔mask同磨砂唔同，磨砂係皮膚角質層太厚o既時候用，同去角質mask作用差不多，不過去角質mask就冇磨砂咁乾。而深層清潔mask係可以深入毛孔，清潔毛孔內o既污垢。用完深層清潔mask係可以用valmont renewing pack，亦都可以用保濕mask。如果用完磨砂之後，覺得好乾，可以用一般o既保濕mask，不過就唔適宜再用去角質mask。
無論係邊種mask，都應該清完黑頭之後先用，爽膚水可以o係敷完mask之後用。

2008-04-27 22:28:41 補充：
我未用過swiss balance o既產品，不過叫得做cleansing mask，就應該係深層清潔mask。一般深層清潔mask都冇去角質o既作用。如果你想用深層清潔mask同磨砂，其實一星期各做一次就已經夠，深層清潔mask同磨砂都唔適宜用得太多，保濕mask就可以敷多o的。
洗面時用溫水o既意思，其實係室溫o既水咁解，亦即係水喉水o既溫度。太熱o既水會令毛孔擴張，如果之後冇適當o既處理，長此下去皮膚會變得粗糙。太凍o既水會刺激皮膚，洗面o既時候，自己都覺得唔舒服啦。

2008-04-29 23:08:17 補充：
我自己用保濕mask好容易會敏感，所以都唔敢亂試，最常用都只係用neutrogena o既保濕mask，fancl o既moist charge pack都唔錯，可以一試。
你可以依你安排o既次序敷mask，不過我就唔建議星期六、日兩日連續敷喇。最好星期六做完磨砂，星期三先敷深層清潔mask。有時都要俾皮膚休息下。
fancl o既充電更新軟膜同valmont o既renewing pack作用差不多，都係去角質，但係我覺得充電更新軟膜就冇咁保濕，而且用左renewing pack o的皮膚感覺上細緻左。如果想用去角質mask，呢兩隻都係唔錯o既選擇，只要揀一隻就已經足夠。

2008-04-29 23:08:23 補充：
洗面最好就係早晚各洗一次，如果覺得塊面污漕，洗多一次都唔係太大問題，只要一日唔好洗多過3次面就ok。每次洗完面都應該要搽面霜，如果你o既面霜有分日霜同晚霜，只要臨訓前o個次洗面用晚霜，其他時間用日霜就得喇。至於精華素，你可以o係有必要o既時候先搽，未必每次洗面後都要搽。

2008-05-02 23:52:19 補充：
其實只要你記住以下唔同mask o既用法，你就可以為自己安排最好o既敷mask次序。
1. 保濕mask係可以單獨使用，而且日日用問題都唔係好大。
2. 深層清潔mask一個星期最多兩次，用完之後皮膚會變得好乾，所以最好再敷一個保濕mask。
3. 去角質mask同磨砂o既作用差不多，不過磨砂會較刺激皮膚，所以唔可以用得太多，一星期一至兩次已足夠。去角質mask較溫和，一星期用兩、三次都可以。一般做完磨砂，皮膚都會較乾，所以亦都應該敷返一個保濕mask，去角質mask就唔需要。

2008-05-02 23:52:24 補充：
4. 深層清潔mask同磨砂都係較刺激皮膚，所以唔應該一齊用，用完其中一樣，應隔幾日先再用另一樣。
renewing pack除去角質外，保濕度亦都好高，性質比較溫和，所以可以用係深層清潔mask之後，當然你亦都可以用其他保濕mask代替。

2008-05-03 20:38:59 補充：
1. fancl o既inner active pack我以前都用過，但係用得多會有少少敏感出現，所以我就唔會日日用，而且日日用其實都幾貴，雖然只係百幾蚊一支，但係只係用得幾次，俾我就會一星期用兩次。當然皮膚性質同對護膚品o既敏感反應，人人都唔同，如果角質層好厚o既日子，用多o的都無防。
2. 精華素其實就好似我地食補品咁，有需要o既時候可以食多o的，冇需要o既時候唔食都得，所以冇話係咪日日都一定要搽又或者一星期搽幾多次，覺得有需要o既時候就搽。夏天皮膚油份較多，如果覺得皮膚已夠滋潤度，又想清爽o的，唔搽都冇所謂。

2008-05-03 21:47:03 補充：
你所講o既都可以用。
如果暗瘡嚴重o既時候，應該少按摩面部，避免暗瘡惡化。

2008-05-04 19:27:53 補充：
如果你沖涼o既時候，水溫好高，會令到o的毛孔擴大o既話，就應該先洗面，後蒸面。因為如果塊面唔乾淨，毛孔擴大晒，o的污漕野就會走晒入o的毛孔度，令毛孔阻塞，甚至生暗瘡。如果真係要早沖涼，咁就應該先洗面，沖完涼之後記得搽返o的爽膚水，令毛孔收返細，然後先搽護膚品。
唔係每日都要蒸面皮膚先至會乾淨，有時蒸面後處理得唔好，毛孔反而會變得仲大，所以如果你臨訓先洗面，係冇必要用熱水蒸面，用水喉水已經得。

2008-05-05 23:02:44 補充：
用完fancl o既inner active pack之後係可以再敷保濕mask。因為去角質之後，皮膚吸收更好，立刻敷保濕mask可以即時補水。我未用過body shop o既mask，不過用『搽』o既mask比paper mask更好，因為皮膚可更直接吸收。