將放兩日假，想一個人出去走走，有什麼好去處？

得兩日假，實在去唔到邊度。小弟認為可有兩個選擇，一係就留係香港，一係就去附近既城市散散心。

如果留係香港就幾好辦，因為去各離島租間渡假屋灘抖一兩日都唔錯，呢啲野唔駛我多介紹，我唸樓主都會識啲窿路。

如果樓主想離境散心，小弟會推介去廣州。雖然感覺上廣州且香港一樣係大城市，但其實廣州都有一啲文化野，例如南越王墓、黃花崗公園等都幾有趣既野睇。不過如果樓主想去一啲唔係咁多人煙既地方，小弟推介去廣州市郊既白雲山。嗰度有同昂平360一樣既纜車坐，而山上既風景都唔錯，地方又大，用來消磨一日時間都幾好。另外，廣州有好多出名既酒樓，好似蓮香樓、大同酒家等，去試下都唔錯。小弟尤其要推介有百幾年歷史既老字號陶陶居，嗰度連一碟普通既蒜蓉炒生菜都零舍好味，而佢既乳豬飯更係無得頂，令我回味至令，樓主絕對應該去試下。

如果唔想去廣州，用多少少時間搭船去肇慶都幾好玩。去肇慶主要係去遊覽七星岩，其實嗰度係一個湖中島，風景一流，而且嗰度係一個歷史悠久既著名景點，連包拯後生既時候都去過嗰度仲留低埋到此一遊既碑文，你去到嗰度可以睇到好多古人留低落黎既刻字，最遠既可以追溯到唐朝。七星岩話大唔大，話細唔細，最啱一個人慢步散心。若有時間，可以再搭車去附近既鼎湖山，嗰度都係賣風景為主，而且都真係好靚，整個山區同廣州白雲山一樣都好大，足夠消磨一日。

另一個我覺得可以唸下既地方係澳門。不過可能樓主去過嗰度好多次，而且小弟都唔係太鐘意嗰度，我始終覺得呢個地方太細同無咩野睇，同埋賭場亦太多，我得如果想Relax，澳門唔係一個好好既選擇。

2008-05-01 14:32:59 補充：
其實小弟很同意bibiandli兄既觀點。放假唔一定要外遊，香港都有唔少值得去既地方。小弟係出黎做野之前除廣東省外從來都無去過其他地方旅遊，當時我得閒既時候會去香港唔同既地方行下，發覺有啲少去既地方都會令你有好大得著，所以樓主即管打開香港既地圖，發覺邊度未去過既就去行下，得著可能會比外遊大。

取出自己居所附近的地圖逐條小巷商舖行,你會發現很多有趣的事物,並對自己及自己的居住環境更認識。喜歡喝咖啡,早午晚三餐逐間餐廳試,品評他們的服務。

放完這個假,你一定有得著。

都市人往往急於認識外面的世界,而對貼身/切身的事物忽略不關注。人越了解圍繞自己的事物,越有能力處理自己的事。換個角度重新認識自己及自己的居住環境吧!