賣樓一肚氣

我層樓將會係30/4就成交啦.
但係早2個星期買家話想度尺造傢俬,咁諗住無所謂咪俾佢上黎囉!
上黎又話要擺低度廚房門(因為我原本的門拆咗),好啦!我都無問題俾佢.跟住又話想俾個裝修師父早D上黎開工,好啦!都無問題.但係經紀話原來裝修係要屋主去管理處申請,嘩!我就覺得好有問題啦.裝修師父係我屋有咩事咁點算呀?師父整爛屋苑D嘢又入我數呀?
所以我就拒絕買家俾裝修師父黎裝修啦!!買家當然就唔高興啦!

點知第二日就收到律師樓打黎話買家的律師send咗封信俾佢地,內容話由於我搬遷傢俬時整爛地腳線 / 入牆裝修搬離後留下螺絲及牆孔 / 廚房雪櫃及洗衣機俾隻狗抓爛出現裂縫 / 廚房門俾狗抓爛,要我賠償$ 20,000

我返到舊屋睇,
入牆裝修搬離後留下螺絲及牆孔 : 係有
搬遷傢俬時整爛地腳線 : 無,我仲叫埋經紀上黎睇,佢都話無爛,無問題
廚房雪櫃及洗衣機俾隻狗抓爛出現裂縫 : 雪櫃手柄只有抓花並無任何裂縫而洗衣機邊就只有少許生秀
廚房門俾狗抓爛 : 買家之前是知道的(正因為呢個問題,我個樓價先俾佢壓低咗)

唉!!!!!!!!!!!!!!!!!!!!!!!!!!　擺明就要錢．．
我好激氣呀!俾人咁屈！搶錢！又唔知點算!!
老公亦成為我個出氣袋........好對唔住佢...

請問大家有無好意見呢??
請大家好心幫幫忙啦.......