媽媽剛在家中過身, 請問出殯當日可否穿著白恤衫, 黑褲, 黑鞋 以代替白衫白褲白鞋?

因為月前我的祖母都過了身...所以較清楚....但係要睇你媽媽個出殯儀式係咩...

道教儀式:

即係有破地獄呀果d儀式既話...
你又冇信任何宗教...就應該係要全身都係白色...
如果你本身有信仰,例如係基督教或天主教,咁就成身都著黑色...
因為你著左黑色既...果d道士知你信左教就會俾d指示你....
例如上山當日唔好"攬"過火盆,而係要繞過佢走...或者係唔駛你上香果d..


基督教/天主教儀式:

咁就要著黑色啦...
同埋基本上係唔會有太多儀式或禁忌..

所以其實應該係唔可以mix埋一齊...你係著白色就白色...黑色就黑色...


處理孝服:
之後可以繼續o係屋企著...或者係收落床下底都得...
冇一個特定要做既處理方法....你掉左佢都ok!


其他儀式:
應該冇架啦...因為所有儀式都係o係出殯,上山當日做哂...
而且而家戴孝都係上山當日就完....
所以所有要做既事都做完架啦....
*但切記如果係道教儀式既話出殯同上山果d日子係唔可以食牛,因為牛頭馬面果d關係啦...但道士會提你地架*

可能之後重有就係擇日要上灰....
大約過程就係咁.....點都好....折哀順變!!

儀式完成後的孝服當平常的衣服就可以了。不用在家裏做其它儀式了。穿黑褲, 黑鞋都沒有問題的,最重要的是要穿暗色的衣服(深藍,黑,白……),不要穿鮮豔的衣服(紅,橙,黃……)。

若行佛教儀式是會穿著白衫白衭白鞋白袜的,若行西式就會著黑衫衭的.是可著白恤衫,只是現今賣這類衫衭的鋪頭多以白T恤,白運動衭來做孝衣,貪佢有彈力吧.
完成所有儀式後,老人家會教我們將孝衣洗淨用袋裝好,放在高處,例如柜頂,喻意吉祥及有先人庇護.