男朋友背住我del 哂所有SMS

先講返我同男朋友既關係先，我地由一月中開始拖手錫錫，但每次問親佢我地算唔算怕拖佢都避而不談轉話題，直到二月一日先正式問我可唔可以做佢女朋友，
後來知道原因，原來因為佢應承左佢前女友會陪佢直到一月三十一日。

然後事緣尋日我地去睇戲，睇戲途中有人send SMS俾佢，然後我偷睇左少少，但只係睇到「對唔住」然後後面接住一句說話，不過因為太遠睇唔到寫乜同埋寄件者，
睇戲同埋食飯果陣，亦都見佢有send SMS俾人，相信係同一個人，
到夜晚去左佢屋企，果陣佢o係房度準備執衫沖涼，我就企左o係佢間房果度執緊野，佢就坐左o係張床度不停按電話，好似o係度Delete緊 d SMS咁，仲間唔時瞄下我，
到佢執哂衫去沖涼，放部電話o係床果度，我忍唔住想偷睇係邊個send SMS俾佢，然後佢竟然將所有SMS都 Delete哂，無論係收件定係寄件全部都Delete哂。
果刻我真係好懷疑佢，點解要o係我接觸到佢部手機之前Delete哂所有野？連我send俾佢果d佢都可以Delete埋。
同埋，正常一個人如果想清下部機既訊息，頂盡都係清左收件，唔會特登走去清埋寄件嘛...........

o係佢沖完涼出黎後，我真係好想問佢點解要Delete哂所有SMS，但真係唔夠膽，因為係我偷睇在先。

所以，我想問下，
如果你係男仔的話，請問一個男仔會o係咩情況底下會背住女朋友Delete SMS？仲要好似好驚我見到咁。
如果你係女仔的話，請問你會用咩方法去問返你男朋友？還是繼續扮唔知？

佢本身已經係一個好口花花既人，好多時佢一得閒就會同朋友返大陸，我亦都唔會知道佢返大陸做乜，可能揼骨可能去蒲，
試過有一次佢話返大陸，但聽得出我唔開心，因為佢之前已經連續兩晚打麻雀打到兩點幾三點，然後果晚佢係打到兩點幾然後再返大陸，佢第二日仲要返工，
我一聽之後下左，佢就講左句：「如果你想我唔返我咪唔返囉。」，跟住佢d 朋友o係側邊起哄，然後我答：「返啦返啦！返飽佢啦！」，跟住佢就話：「嘩，你咁講野既？」。
最後佢都係返左大陸，去之前send左個SMS叫我唔好嬲，話佢淨係同朋友返去飲酒。

對於呢份感情，我真係前所未有咁認真，好想可以陪佢過好耐好耐，亦都好鍾意佢，但我亦都未試過拍拖會拖到咁冇安全感，永遠唔知佢呢一刻會去左邊度，唔知佢果一刻係想做d咩，好驚佢真係會o係大陸有第二條女，甚至乎驚佢o係香港係一腳踏兩船。

有次忍唔住o係電話同佢嘈，我問佢：「你大陸有冇第二個呀？」，佢呆左呆，然後下左一下，我再問多次佢大陸有冇第二個，佢先問：「你認真架？」，我答係，佢就話冇，跟住問埋香港，佢都話冇。

如果各位睇到而家的話，真係好感謝你地肯睇到而家，
最後想請問，有咩方法可以令到我地段關係健康d？我唔想長期活o係懷疑同不安底下，搞到拍拖唔似拍拖咁....