我的倉鼠係唔係有病呀??

✔ 最佳答案

鼠鼠震左幾耐?幾大年紀?鼠鼠震既話,可能係受驚,都可能係唔舒服,覺得凍,生病or腫瘤之類

1.受驚
外來既人or事物令鼠鼠受驚,如果同一籠有第隻鼠既話,都會令鼠鼠驚,因為鼠鼠係獨居動物,唔喜歡同第隻鼠一齊住,如果有第隻鼠一齊既話,鼠鼠就好易有打交or一隻蝦另一隻既情況,又或兩籠鼠太近都易令鼠鼠覺得驚

2.覺得凍
如果鼠籠放既位置係接近冷氣口or接近風口,都會令鼠鼠覺得凍,凍都會震震下

3.生病
鼠鼠唔舒服都會震,一般感冒or重病都會
鼠鼠仲有冇第d病徵?會唔會食少左野訓多左?(不過夏天太熱都有咁既情況,所以較難分)會唔會冇咩力咁?

感冒可能會有鼻水,呼吸困難,唔食野唔飲水,仲會好累,甚至會流眼水,如果連同打冷震,打乞嚏既話,嚴重起唻會係肺炎
感冒同肺炎係可以致命架,一定要小心處理,係既話最好睇下醫生

4.腫瘤
體內腫瘤都可能會令鼠鼠震,呢樣較難發現,部份會見到體內有野凸起咁,最好搵醫生檢查一下

5.年老
鼠鼠年老既時候,都會成日都震震下咁既

處理方法:
1.避免嚇親鼠鼠,如同一籠有第隻鼠就要分籠,鼠鼠受驚可大可小的,有機會會甩毛,肚瀉,甚至濕尾症及死亡

2.將鼠籠放遠冷氣及風口位,天氣熱想俾鼠鼠吹下風既話,都只可以遠d咁吹,唔係就易令鼠鼠冷親架啦

3.但如果佢唔似感冒or你觀察唔太病既話,可以再觀察一下先既,咁就要密切留意佢既身體同排泄物,睇下只係一次打冷震定係成日,如果連續兩日已經係震既話,就最好睇下,病向淺中醫

4.如果係似感冒or腫瘤既話,當然係要盡快睇醫生,唔會去睇又或未咁快去到既,可以做以下既野先:
a)有第隻鼠既話要分籠,唔係會傳染(鼠鼠本身係獨居動物,冇事都係分籠會對鼠鼠好d)
b)保持周圍既環境衛生
c)唔好俾風直接吹到鼠鼠,要鼠鼠保持溫暖
d)俾一d有營養既野佢食.可以試下俾d麥片or白麵包佢(得呢兩類人既食物我會俾鼠鼠食,仲係有病先會俾)
e)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既.
f)如果你或你既家人有感冒,都唔好接觸佢,唔係又會令鼠鼠更加易再受感染.(鼠感冒唔會傳人,唔洗擔心)\
g)睇醫生可考慮最出名既鼠醫生:
大圍珍禽異獸及寵物醫院 DR.TIGER/DR.LAM
Tel: 2687 1030地址:大圍積信街75號地下
http://www.taiwaiexotic.com/

睇醫生雖然貴,而鼠鼠既身價的確係好平,不過鼠鼠都有生命,亦相信主人會愛錫自己既寵物,所以盡量帶鼠鼠睇醫生,努力幫助鼠鼠吧,如果主人都唔理既話,鼠鼠就冇人幫佢了

2008-04-27 15:42:50 補充：
一個月大左右仲算細個,抵抗疾病既能力唔係咁好,最怕係出世已經體弱,又或有咩DNA既問題,最好可以盡快帶佢睇醫生啦,震半日實在好唔正常
同時都可以留意返之前講既問題,都要小心佢係受驚

回答 (2)