我想向亞爸報復

1)佢打你係因為佢愛你, 想教好你, 但唔識表達, 你應該感激佢... 佢愛過你, 溴大你的..
2)佢打你係因為想教好你, 但唔識教, 好忟, 要發洩.... 你應該原諒佢.. 佢係錯了, 但情有可原!
3)佢打你如果只係因為佢輸了馬.... 响外面受了氣... 你可以唔理佢, 或者佢未識愛自己兒子,..... 但你要記住唔好犯同樣的錯....~

無論如何..... 打死佢都唔會係一個好/正確既做法,咁亦唔代表你好勇敢,以暴亦暴唔可以解決件事, 你唔會忘記佢以對你做過既事, 只係將仇恨漫延........... 好好感受下世間美好既事,學習愛別人,學習原諒別人~

點解你會咁記仇？佢養大你已經可以抵消佢曾經打過你，你而家若果內傷咗或有人唔覺意打傷你嘅話，容乜易比你打死呀！
點解你會一啲感恩之心同埋愛心都冇嘅？我求求你唔好同佢一齊住啦，想改變你可以咩？你既然有報復之心，我作為一個外人，都好誠懇咁求你離開呢個老人啦，同佢申請綜援，比佢一個人住啦，阿彌陀佛，做吓好心呵。善有善報架，你今日肯體諒你嘅親人，第日個天就會比番一個孝順同埋寬容嘅仔比你架。真架，否則嘅話，你一個唔在意對唔住你個仔嘅話，米一樣比佢報復番你？唔通你想咁咩！

乜你咁暴力,想一嘢打死呀爸！睇嚟都無邊個會支持你喎。
你呀爸已往長期虐待你肯定係佢唔啱,但你有無諗過你依家大隻過佢、有力過佢,係邊個出錢養大你,你曾經係食佢嘅、著佢嘅、住佢嘅,就算佢幾唔啱,都算對你有養育之恩啦。
你呀爸應該是無學識兼粗暴嘅人,係外面遇到不如意事,就返屋企搵仔女出氣,但佢打你應該都有忍住手嘅,否則一個大人全力打個小朋友,唔打死都一早將你打殘,你仲邊有報仇機會呀！
如果你呀爸仍然對你蠻不講理,你依家可以據理力爭,如果仲出手打你,避得開就避啦,避唔開可以抵抗,但千祈唔好還手重擊,打傷呀爸會令人認定你大逆不道,如果攪出人命,你成世都唔掂呀！其實你呀爸都有報應啦,已往對你惡慣,依家無得發惡,都好難受。

唔好呀!你係大人，why 會咁小器嫁