桌球點防守？士碌架係咪防守技術？

桌球防守好多人都講set snooker(士碌架), 目的係將白波打一個"死位", 令到對方之後"無紅色波見到" . 主要方法係令到中間有其他顏色波遮住.

對方要用cue法, 令白波彎彎地行, 避開其他顏色波, 或者要撞cushion (一cushion, 兩cushion或三cushion). 這樣做可搏對方救失波, 不過最主要係想有chance, 令自己可以起break造成領先或贏該局. 有時set 唔到snooker, 將白波送到cushion邊之類, 令對方之後難D打, 都算防守.

另外, 我覺得以下三種都算係防守:

一, pot 紅波時shot or nothing. 即係務求將白波運番到枱的上半方. 若該紅波入了, 可在上面找顏色波打, 若該紅波打失了, 對方亦不容易在該處找到易打的紅波. 這種方法適用於開局初段, 多數紅色波都在下半方.

二, 小心打法, 自己有波pot時, 唔做高難度的cue法或"較波", 打一球得一球, 難打的波(視乎自己技術)或之後無波較就set cue算數. 這樣做當然起高分break的機會減低, 但也避免打失時造就對方更大機會.

三, 消極打法!: 保守咁打, 好似有ball pot都唔pot, 唔開pack(即係唔打散堆紅波), 同對方死磨, 等對方心急造就chance畀自己 (這種方法對付技術高過自己的人最好, 因為正路咁打輸梗.)

講真防守都係為進攻而舖路，因為桌球純防守無分(對方打失都係輸幾分), 為的都是守完之後一攻而破

士碌架一定係防守技術之一, 或者打埋邊, 使對手難以取分....又或者打到一個地方使對手難以取高分, 如進攻時也要考慮打失的後果都係防守技術