整banner一問~ ( 20點 )

用photoshop去整。

首先要張底圖﹐然後copy 另外一樣物件paste上去！

我回答次數full左，用依個account答你吧！

其實就睇下你仲想知D咩喇～

或者我講下我點整廣告Bannar吧！

首先我會預備我要用到既插圖．．即係Banner入面每一個背景．．每一個圖像等．
而哩D圖像，可以用網上下載既，亦可以自己整。自己整的話我就會用Illustrator去畫，因為畫插畫的話Illustrator既功能比Flash強大。

而當畫好所有我需要既圖片既時候，我就會用Flash去將我所有圖片去做動畫既效果。簡單講，我畫好一個長方形既background(300x100pt)，我就先將flash既框框set好同一個大小，然後再將我background既png移植去flash。咁我就完成左我廣告既background喇。

之後又例如，我仲畫多左個圓形，我想將個圓形加到長方形入面做成為廣告既一部份既，咁我只要直接將png移植過去就得喇。又例如，如果我想個圓形有動態效果呢？很簡單，只要移植左圖片去flash之後，就可以用Flash既功能去令佢自由活動。包括向不同的方位移動或是變圖片大小等動作，都能一一做到。

而跟我以上方法去做的話，就會完成出一個很簡單既Flash。就係見到一個圓形係長方形入面左右移動既flash。

唔知你有冇玩過gif，其實Flash同gif既原理差唔多。當作大家都係做一個動態映像來看的話，gif需要畫好幾十張圖去重疊連環播放，而Flash就只需要一張原圖就可以做成移動既效果。但係當然Flash亦一樣可以做到連播既效果吧！

先講到依度，唔明的話直接講問題出黎．．就咁叫我詳細ｄ，我捉摸唔到你想知既係咩．．哈

一般黎講我習慣用兩個程式現合黎做：
１．Adobe Illustrator (用於制作插畫及一般排版用圖)
２．Adobe Flash (用於制作一般網頁廣告Banner)

至於點整大概冇辨法一篇文講得晒，因為步驟好多，由其有Flash既廣告，但係唔算難整。建議你去以下網站睇下，入面詳細既教學總比我係到講到東一忽西一忽好。

http://www.2000fun.com/bbs/viewthread.php?tid=1982348&extra=page%3D1%26amp%3Bfilter%3Ddigest

如果你純粹想整一個靚靚地冇Flash既Banner，最好就用Illustrator，用法唔會難過小畫家好多，當然系統比小畫家強大百倍。

唔知幫唔幫到你 o.O""