驗孕棒剛顯示懷孕, 跟著要做的是什麼呢？

1. 第一樣要做係去搵間診所確診你已有孕，如果有睇開邊間診所咪去果間囉。因為任何一間都可以同你驗孕，當証實你有孕後，醫生會簽發一張懷孕證明比你。

2. 你攞住封信、身份證&住址証明，去你想生BB既醫院，預約排期，佢地會講比你知跟住果9個月要做D咩。

3. 至於邊間醫院，最近馬鞍山既公立醫院當然係威爾斯啦，但係好唔好o係果度生，你就要同家人商量喇。不過就算你想出九龍生，人地都未必收你，因為有d醫院唔收跨區case。

4. 如果你選擇威爾斯，你就帶齊上述文件，去威爾斯入面既李嘉誠專科診所南翼2字婦產科，辦公時間係：星期一至五，上午9-下午5點，1-2點食飯時間唔開。星期六、日假期休息。預約後佢地將會安排你o係出面d健康院做產前檢查，唔會o係番醫院裡面做。

5. 37歲屬高齡產婦，到時醫院會幫你個胎額外驗唐氏綜合症。唔駛擔心，都係d保險野黎姐。

6. 至於要注意d咩，我諗你物邊既人會陸陸續續講你聽。唔好做呢樣，唔好做果樣。我本人就覺得老人家講既野，寧可信其有不可信其無。如果唔係有d咩差池果陣先黎後悔就無謂。我最記得要記住既係唔好舉高手、唔好做d搬搬抬抬既野，尤其重野。要忍口，唔好食/飲生冷野.....。

7. 至於你要搵野做，我睇你都係算把啦，等生完先再搵啦。你有左邊有人請你喎。 如果真係要幫補家計，睇下可唔可以搵d兼職做下，我成日見錦英苑果間波仔請人。不過點都好岩岩有左要小心身體。

1) 你先到家庭醫生或婦產科做身體驗查先
2) 你小心d因你是高齡產婦
3) 近期唔好找工作住，因為會太緊張影響bb
4

如果擔心...發現自己既月經逾期, 加上乳房漲大、作悶、嘔吐或小便次數頻密等現象, 都可能是懷孕初期的徵兆。證實懷孕的方法, 是在月經逾期約兩星期後, 到附近診所進行妊娠化驗,將排出的尿液( 最好是晨早第一次的小便) 以確定自己是否懷孕, 價錢都係$100~$120左右。

如果醫生證實你係懷孕, 而你又好鐘意bb的話, 就梗係生佢出黎啦...個bb係一條小生命無罪架,係你同你男朋友既愛情結晶品, 亦都係你既親生骨肉...到你第日諗番轉頭, 你都唔會後悔。

你可以同你屋企人、男朋友商量下呢個問題...唔駛怕俾屋企人鬧,起碼你敢去面對, 你屋企人一定會搵辦法去幫你,因為你始終都係佢地既親生女。

如果商量後決定唔要個bb, 可以搵家計會幫手...
家計會屬下各節育指導所均提供意外懷孕輔導服務。至於年齡在二十六歲以下, 未婚而懷孕的少女, 可向本會青少年保健中心尋求輔導。本會亦會按就診者個別需要, 安排轉介往各醫管局轄下醫院或私 立醫院進行手術。


家計會終止懷孕手術費係: $2600 包括如下:
其中$600 係檢查費,包括:(驗孕、姑娘輔導、見醫生、檢查乳房同子宮頸細胞及陰道式超聲波檢查。) 剩番$2000係手術費。
Total: $3000有找, 香港做係比較安全。


手術係打鎮定劑, 並非全身麻醉/半身麻醉,
手術全程係清醒既, 全程係有感覺好痛,
都係忍15分鐘左右, 要睇番個女仔忍唔忍到痛喇...
如果忍唔到痛, 佢地(家計會)係唔會同你做手術架。



家計會熱線:2575-4477、2572-2222

家計會地址:灣仔軒尼詩道 130 號，修頓中心9樓 (青少年保健中心)

家計會網址: http://www.famplan.org.hk/fpahk/zh/template1.asp?style=template1.asp&content=home/mainpage.asp

Baby媽媽^^

我有第1個BB時,都是住馬鞍山啊^^(我18歲生第1個,剛剛去年24歲時,宮外孕冇了第2個...>__<)好開心識到你^^

而家要做的,就是去私家醫生再驗1次(我當時在荃灣返工的,所以第2日就請了半日假去公司附近睇醫生,在荃灣千色店對面的商場),即時已經可以CONFIRM了,醫生都CONFIRM有BB之後,佢會問你是不是想在屋企個區做產檢,問你鍾意私家定公立,我當時就選了威爾斯親王醫院

你羅住醫生張紙,就可以去醫院登記了^^都是去到醫院就即時驗多次是不是有BB,CONFIRM有,佢地又會再出一張紙,俾個期你再去做第1次的CHECK-UP,好好的,而且威院D醫生護士都十分NICE,我生完BB第1日,老公,屋企人走了,我偷偷地去洗頭,俾佢地發現了,佢地會俾埋風筒我吹啊^^佢地的SERVICE是好的,放心啊^^

現在最好唔要找工作了,一定要先睇醫生,叫佢俾紙你去醫院先登記,之後做埋第1次的CHECK UP,好好養好身體,陀好D個BB,等BB大D先出去做野好啊^^小心身體啊!

幫補家計其實有好多方法的,可以做下一D寫字樓PART-TIME,TEL. SALES,工作時間自由D,又唔辛苦,其實好多公司都會請PART-TIME CLERK的(我去年想轉工時都見到勞工曙有),通常唔會朝9晚6,是朝10:00OR11:00到下午2:00-3:00,咁你就唔駛咁辛苦,又可以休息啊^^

因為我去年第2胎,宮外孕冇了,我成日都覺得是我唔好,(雖然醫生話到而家都冇解釋)但因為我初初有左,流啡時,都冇聽婦科醫生講,繼續返工,開夜,最後到7WEEKS3DAYS就挨唔住,當時唔開心,日日喊,怪自己怪了好耐...到而家都好後悔,老公都唔敢再提我的傷心事了,而家努力了快1年,都仲未有中獎...>__<

所以一定一定要小心身體啊^^

希望好快可以聽到你的好消息,生個肥肥白白的寶貝啊^^

我有左果時都３３歲，我自己驗完再去家計會驗，我住青衣，去左青衣母嬰健康院登記，之後她們要我去瑪嘉烈生，不過我想去QE生，因為D人話果間好，跟住自己攞齊文件去QE登記，果時已經有左２個月．醫生同護士都好好人，我有個表妹係威院生她說都可以．
第一次懷孕係緊張D，我都係，不過我身體OK，我教運動既，我到八個月先休息，第十個月先生，或者你搵文職做啦，放鬆d，睇多d，ｂｂ網會學到好多