教學助理一問及前途

1.本人今年２６歲 曾任2年it种子在學校工作實習 今年08年4月 踏入第三間小學，其實我很喜歡學校工作環境 但是教學助理是否不適宜長做 做到幾多歲要收手 如果想在學校繼續發展 有冇其他職位 因為没有教師文憑 但是我很了解細路仔個種心聲......我是否要去大學修讀心理學 這科在學校有冇機會發展??????
的確教學助理不宜長做，因為教學助理o既加薪幅度慢，甚至冇人工加。教學助理o既人工係靠政府批俾每間學校o既津貼內扣除，而呢幾年都冇咩點加過津貼，所以教學助理想加薪真係幾難。而教學助理亦都冇升職呢回事，如果你想係教育界發展，進修做教師係唯一o既方法。
進修心理學對係學校發展幫助唔大，學校直接聘請o既員工，除教師外，只有教學助理、書記及工友等。而輔導主任、心理學家、語言治療師等，並非學校直接聘請。


2.為何教學助理會有咁多人爭???他們憑什條件做這職位???
教學助理o既工作大至分兩類，視乎學校而定。有o的學校請o既教學助理主要工作係文書工作，例如︰打字，製作教具，攝影等。另一類o既學校請一o的合資格o既老師，可以入課室教書，當然呢類o既教學助理人工會高o的。

3.為何教學助理做左半年咁快走????
呢樣就要睇學校所定o既合約，或者個人意願。有o的人會覺得教學助理人工低，工作量高，所以咪唔做。


4.學校interview請教學助理會否考慮申請人對投入教育界的誠意a?
咁就要睇學校請教學助理o既工作性質喇。如果工作主要係文書工作，我諗會睇申請人對電腦、拍攝等認識多o的。如果係要入課室o個種，就可能會睇埋申請人對教育o既熱誠。

2008-04-27 15:34:41 補充：
學校社工即係而家所稱o既學生輔導主任，佢地係由學校聘請o既機構派到學校，如果想做學生輔導主任，就要係社福機構工作先有機會派到學校，呢個職位最少要完成社工課程。
而教育心理學家係由教育局派到學校，可以留意政府o既招募及資格。
至於點解咁多人爭做TA，相信有好多人對教育都充滿憧憬，但做落之後又發現係兩回事，所以申請o既人多，不過離職o既人亦多。