校務處文員的工作是做什麼的??

我未做依家呢份工之前，曾經喺一間資助夜校做過一年學校文員。

1)有啲咩嘢要做？
基本上，校務處內所有一切嘅大小事務，有好多嘢都會需要你去一手包辦，你亦可以係學校管理層(包括校長、校監、校董等等)和老師嘅大眾秘書。若果你在校務處裡有最多工作經驗嘅，好多時都被學校其他staff形容你為一個校務處內嘅管家。
學校內所有一切嘅文書通告的繕寫和印發，協助收取學生嘅學費，協助教師做打字和影印課堂裡所應用嘅文件、教材、學生出席記錄、學生嘅 notes、學生考試時所用嘅試卷、上課時間表等等，接聽外間打嚟學校嘅電話，解答學生和家長嘅查詢。若果校務處有書簿文具售賣，你亦要做埋收銀員。
有時，學校內嘅記錄和管理，你亦需要去參與，學校嘅一切開支和收入記錄，幫手處理和記錄學校所有職員嘅出糧和假期記錄，協助學校訂購日常應用嘅用品(例如：文具、文儀用品、器材......)。若果校內有設施損壞，你亦要負責安排維修事宜。如果有需要嘅時候，你亦要喺校內會議裡充當記錄員 take minutes。

2)有啲咩要識？
中文、英文、數學唔可以太差，最低限度要合格。而且，學校校長通常會要求你有基本商科知識和技能，包括：速記、會計、簿記。電腦知識方面，你最低限度要識操作一啲軟件如： word、excel、powerpoint等等，亦要識得倉頡、簡易輸入法。若果你有網頁製作嘅經驗亦會較好，因為依家好多學校都會利用學校嘅網頁，去傳發資訊比學校嘅staff、學生、家長和公眾等等。

3)你成年幾無做嘢(因有左之後生左個BB要理), 而家去見工時點講你自己因為咩原因，成年無做嘢？
其實，你照直講，基本上唔會有太大嘅問題。
校長見工嘅時候，除咗睇你嘅resume，睇你過往工作經驗之外，佢亦會睇埋你係咪可以應付到校務處裡日常嘅工作。至於你嘅小朋友方面，你係有妥善嘅照顧安排，你返工嘅時間有人去照顧佢，校長相信你有能力去應付的話，你同樣有機會嘅。
我個人認為，你已為人母，處事會比起年青人較為成熟，呢個可以係一個優點哩。

2008-04-26 10:29:01 補充：
除咗日常嘅文書檔案處理工作外，學校有啲特別嘅 function 例如：開放日、家長日......你亦要參與其中。

若果你善於與人建立人際關係，一定會對你有利。而你本身係一名家長，小時候又做過小朋友，若果你擁有同理心，你去見呢份工，絕對適合你的。

2008-04-27 02:36:45 補充：
假如你去天主教或基督教學校 interview，而你本身係佢地嘅教徒，不妨喺 resume 度直說。有啲校長係會好著重呢個 point 哩！

有冇空間睇多一行?
招募: 有志成為專業拓展市場的人(兼職/全職)
公司BACKGROUND: 美資上市公司
: 49US DOLLARS 股價
: OVER 25開拓市場既經驗
: 有專業本地及海外培訓
年介: 18- 35
經驗: 1年以上
學歷: 中五以上 OR有相關經驗者優先
有意請SEND CV到 [email protected]
Or www.gen-hsoho.com

1) 有咩野要做架??
答: 務處文員要做一般文職工作，如存檔，接電話，訂購、在學校當然會包括一些校務的事情。

2) 有咩野要識??
答: 一般電腦的應用要懂。如文書處理、Excel 、電郵、亙聯網.....等。

3) 我成年幾無做野啦(因有左之後生左個BB要理), 而家去見工時點講我成年無做野好呢??
答 : 你可以照實講，也可以講做part time .......。