幫幫手！作兩個”個人短講”(人間有情) & (論 [追上潮流] )

人間有情
大家好，唔知大家有冇睇過人間有情呢部戲呢? 呢輯片係講關於梁蘇遮舖嘅感人真實故事。等我略為講番遮舖嘅背景同感人之處，梁蘇遮舖係一間洋傘嘅舖，並以「一世保用傘骨」來作招徠。當然也因為這招徠令生意愈來愈少，但係梁蘇夫婦並沒因此把老伙記辭退，而且還對伙記嘅生活照顧有加。可惜最後店舖仍不能維持生計，係最後一幕，夫婦倆與伙記一齊食最後的一餐，情節感人。

其實即使係宜家步伐急速嘅社會，人間仍然有情。就好似係03年沙士爆發期間，有不少嘅商家購買維他命丸免費派發俾各中小生。係05年南亞海嘯，香港人捐出不少善款去幫助當地不少留離失所嘅人民重建家圓，均可見人間尚有情。而呢個情，不是父子之情、手足之情、夫婦之情，而是跨越血統、民族、國界。最後我希望大家在坐各位能對身邊嘅人表示關懷，令情得以在人間維持、擴散出去。多謝。


追上潮流
大家好，唔知大家有冇係週末到銅鑼灣或者旺角閒逛。你可能會覺得去個啲地方有一種好人逼人嘅感覺，但其實你置身其中，有冇發覺你身邊經過嘅青年全身都有潮流的東西。例如︰女仕穿著露背裝、男仕則穿著最新款式嘅波鞋； 以至手機都係最新、最薄、最多功能嘅。
不過追上潮流係咪一種事，我對此有所保留。
首先，追上潮流係需要好多嘅金錢。因為潮流係朝夕變遷，就好似前兩三年女仕留瀏海會被人笑係冬菇頭，今日卻好多少女剪這髮型。
第二，盲目趕上潮流只會令你失去自我形象。你出到街，你可能發覺有好多個自己，佢地會着同你同一款式嘅衣着，剪同一款髮形，以至講同一堆潮話。其實維持自己嘅風格更能突出自己，正所謂萬綠叢中一點紅。
最後，我希望大家返去數下自己究竟擁有幾多潮物並且反思我今日講嘅呢番說話。多謝。

2008-05-10 18:51:36 補充：
希望幫到你，你要俾心機ar~