請問Neo Strata Bionic Lotion 抗氧修護精華液 好用嗎???THX

圖片參考：http://www.citycare.com.tw/shop/Stores_app/IMAGES/images_103/NE30.jpg


妳講緊呢隻丫嘛, 我用緊第三樽啦, 我覺得保濕幾好,尤其冬天, 用完第二朝會覺得皮膚變得好柔軟, 不會好似好粗好乾燥咁, 不過由於佢係幫助你吸收水份以及封住d水份, 你之前仲要用其他保濕產品(比如爽膚水), 效果才會更好。
香港買四五百蚊, 如果上Yahoo bid $240就買得到。我不嬲都好鍾意Neostrata的產品，鍾意佢係果酸的始創者同版權持有人, 第一代果酸叫”甘醇酸”, 即係我地話AHA, 適合油性肌膚的人用, 可以收毛孔, 去油脂, 控油, 去角質層；第二代果酸叫”葡萄醣酸”, 即係你緊果隻既樽身寫住的PHA, neostrata有一些適合敏感/薄/手術後皮膚用的產品就係用緊PHA, 你睇個樽度寫住PHA 15, PHA是佢個種類, 15係佢既度數, 比如lotion是15度, 但Cream就只得12度, 我自己屬於混合性肌膚, 我偶然會用d AHA的產品, 但日常都係用你講呢隻PHA 15, 因為比較溫和, 佢主要的作用是用d PHA幫你做好溫和的化學性去角質, 然後令你d毛孔暢通, 吸收就好好多。我感覺上用完會保濕好好, 同埋暗粒果d都少左好多。另外我表姐同我阿媽都係又乾又薄又敏感皮膚, 好敏感果種, 我俾佢地用呢隻, 佢地雖然感覺到小小刺痛(因為有PHA係度), 但絕對沒有敏感反應出現, 畢竟佢係醫生護膚品 (係香港, 照理講就只得皮膚科醫生度有的賣,), 所以比較可信, 同埋佢又無d花巧的香味和添加劑, 反而仲好d。不過用neostrata的產品有些注意事項,


1. 不要連續用超過六個月, 比如日日都用, 而我就一個星期用2-3次, 咁多年問題都不大, 之前賣呢隻野俾我個yahoo seller就是neostrata係香港的代理的職員, 佢d皮膚真係超靚的(但個人真係好普通), 佢叫我不要連續用, 因為佢自己就係一個壞的例子, 之前日日用, 去角質去得太頻密, 會令皮膚好薄,企係d舖頭的櫥窗射燈下都會皮膚紅 (適當咁間隔用, 反而會令皮膚增厚, 變得靚d)


2. 只在夜晚用, 日頭不要用, 因為佢去角質後, 令新皮出現, 如果你d防曬做的唔好, 反而令你出現斑點同變黑, 穩陣d, 日頭不要用, 夜晚用完, 朝早一定要用洗面奶洗面, 唔好用清水。我試過有時懶, 朝早只用清水洗面, 防曬又做得唔好, 跟住就出暗瘡。
3. 用左佢, 就不要再用clinque的爽膚水, 不要做磨砂, 不要做其他去角質的產品。因為雙重去角質會令你皮膚好傷。( 不嬲我都覺得磨砂這種物理性去角質係好唔科學的方法)


希望我的個人心得可以幫到你啦！