有關嚴重案件審理既程序

1. 以强姦為例:
先會上裁判法庭. 但因裁判法院最高判刑權力只係2年監禁, 而强姦罪最高刑罪係終身監禁, 所以單案係唔會由裁判法院審理嘅.最後都會由高等法院審理. 裁判法院只會問疑犯認唔認罪. 如疑犯在裁判法院時唔認罪, 就會轉去高等法院接受陪審團審訊. 入罪就由高等法院法官判刑. 如疑犯在裁判法院認罪, 亦會轉去高等法院, 由高等法院法官判刑.
2. 排期要幾耐, 就要睇係乜案. 殺人打刦就快d, 因為唔涉及太多証人証供同文件. 強姦就耐d, 因有時要事主俾証供. 商業案上得高院, 一定大單. 所以排期就最耐, 因有大量文件要處理.
殺人打刦販毒排期約半年, 強姦7個月, 商業案起碼年幾.
3. 聆訊前審核 Pre-Trial Review係個官同雙方律師在正式開審前大家睇吓d文件齊唔齊, 有無嘢可以控辨雙方預先同意咗, 唔使浪費時間. 有無違灟, 目的係先審核一次d文件, 才正式開審.
4. 疑犯先被押上裁判法院, 由裁判官決定俾唔俾擔保. 俾就由裁判官定擔保條件. 之受再決定押後或正式控告. 到正式控告裁判官問被告認唔認罪. 唔認罪就會轉去高等法院接受陪審團審訊. 認罪亦會轉去高等法院, 由高等法院法官判刑.
5. 如果判左有罪, 被告通常會先被安排還押, 等候判刑. 成年男人通常荔枝角收押所, 少年男人就壁屋. 成年 / 少女就通常大欖收押所.
如果係嚴重罪案又有罪, 通常唔會有得擔保.