我選擇左重新追求佢,我知道依個做法唔會得到任何人既支持..會覺得我好傻,好想令到我知道無謂為左一個已經唔愛我既人放棄成大片森林...但係愛情冇分邊個付出得多...對或錯....今次係我第一次拍拖,佢係我認定左我依一世最愛既人....當我知道佢要離開我,決定左唔再做我男朋友,我個心係幾咁痛....當我意識到我既未來將會永遠唔再同佢扯上關係,我既眼淚重未停止過....
我唔知道要點做先可以令到佢再好似以前咁愛我,但係我好肯定佢仲未討厭我,我仲有機會係依度等佢,我唔係想纏到佢抖唔到氣,而係真心真意咁係香港等佢,或者...我永遠等唔到佢番黎..但係至少我努力過去爭取我既幸福,快樂......
冇左佢既日子我一d都唔開心...因為我哩個人生路上,有太多起跌,係佢陪我行左依段最難行既路,我放唔低佢,亦唔打算放棄佢...佢承諾過會依一世都當我係好朋友咁照顧我,我知道哩個諾言好傻...但係我真係想去重新追求番佢,再一次愛上我...所以,我好想有人能夠支持我,當我傷心淚流個陣,..冇人知道我既感受...佢唔會再知道我既一切...所以請大家幫下我,教下我點樣做..去追番我最心愛既男人....我應該點先可以再感動到佢呢....
時間的確可以令到人沖淡一切...但係時間更加會令到一個人知道要把握機會...我已經失去左同佢一齊既機會,係我哩一生最錯最錯既一次,我已經好後悔當初唔識做佢女朋友,唔識去關心佢,愛護佢....我唔知道我地仲有幾多個機會率,但係每一個機會,從今以後對我都係咁重要...
其實我知道同佢隔開咁遠,都好難有機會去感動到佢...雖然一切似乎冇乜機會,但係我就係一個咁固執既人..無論我地有冇將來,但係而家既我放唔到佢走...其實我已經知道自己係唔可以放棄佢,係哩度分享我既感受..或者係想得到心靈上既支持....好想有人教下我d"乙水"男仔方法....^.^..等我去再追求我既幸福!
