其實咩係汗癬ＡＲ？？？

*** 由於實在太長篇, 俾D耐性睇完佢, 因為我打o左好耐架 ****


其實咩係汗癬ＡＲ？？？
- 如題, 出汗引致, 但如果係汗癬, 通常一至兩星期就算唔睇醫生都會好番ge.

係唔係其他o野呀??? 濕疹??? 皮膚敏感??? 食物敏感???

我有個朋友有日出街食完Lunch, 到4:00左右, 開始覺得成身好痕, 到5:00左右, 頂唔順要早走去睇醫生, 醫生檢查完後, 話佢食物敏感, 但佢只係食o左一份好普通o既牛扒飯, 食o左幾廿年都冇事, 點解今次會咁架??

醫生問佢 : 牛扒飯除o左牛扒同飯外, 有冇其他配菜呀??

我個Friend答 : 有幾條香草係牛扒上面囉, 但我冇食喎.

醫生答 : 我好肯定你係對香草敏感, 所以先會咁, 人體結構好緮雜, 以前你對佢冇敏感, 唔代表你以後冇敏感, 今日你對佢敏感, 唔代表你以後會敏感,..........................我開D敏感藥俾你, 食完冇事架la.

我個Friend食完D敏感藥後, 不單止冇好過, 之後其中一隻眼仲腫o左, 佢就轉睇其他醫生, 有D話佢汗癬、有D話佢濕疹、有D話佢皮膚敏感, 有D話佢蛋白質過多, 中醫就話佢濕毒, 諸而此類. 佢睇o左無數o既中、西醫, 不下數十個, 都醫o左2年半啦, 病情時好時壞, 同你情況差不多.

佢自救方法 :
1/ 穿全棉衣服, 尼龍及膠質 (焗身)、牛仔衭及裙(磨擦)等等唔可以著.
2/ 戒牛肉 (毒)、戒高蛋白質食物 (蛋、麥皮)
3/ 清茶淡飯, 唔食煎炸o野, 少食辣、刺激性食物.
4/ 轉用藥性皂液 (由於現已夜深, 聽日八到話你知)
5/ 沖涼時水溫不可太熱, 因沖完後仲痕
6/ 沖涼後即時搽上薄薄一層cream, 等D皮膚冇咁乾
7/ 盡量唔抓, 用冰墊止痕

點解我會知道咁清楚??? 我由Day 1開始聽到依家丫麻.

希望D資料幫到你la

2008-04-26 13:12:57 補充：
****為補充內容 :

2/ 戒牛肉 (毒)、戒高蛋白質食物 (蛋、麥皮)
****仲有海鮮, 可免則免****

4/ 轉用藥性皂液
****牌子 : 皮得露 - 抗痕癢肥皂代用品 PH6.5, 藥房大約$110/1支(唔記得係幾多ml, 不過好大支架!!)****