我隻倉鼠鼻生瘡~~急

鼻生粒有幾大度?肯定係生粒定唔係外傷嗎?在鼻上d定係點?因為鼻好易因咬籠而做成外傷,所以要了解清楚d,暫時當係你講既生粒回答,如果係外傷既話就唔同做法,係呢樣就可再次補充

A.鼻生粒,林林地係瘡,硬既話就係腫瘤,兩樣都要盡快睇醫生先得,雖然好多時初期鼠鼠較少會好累好病咁,但唔好以為咁就冇事,因為鼠鼠壽命短,新陳化謝快,d病毒都會忽然行得好快,到嚴重既時候先去處理,就好難救得好了,睇醫生既話眼既問題可一齊睇埋
放膿or整腫瘤都要落麻醉藥(放膿要睇位置同情況),所以如果你隻鼠年紀大既話,就要考慮清楚先好決定,老左既鼠好難承受到麻醉藥既

呢兩樣情況都需要較多儀器,可以到大圍度睇:
最出名醫鼠既係呢間,但就較貴:
大圍珍禽異獸及寵物醫院 DR.TIGER/DR.LAM
Tel: 2687 1030地址:大圍積信街75號地下
http://www.taiwaiexotic.com/

另外以下既醫生都唔錯既:
旺角動物診所 - 梁醫生
九龍窩打老道66號A地下
電話 : 2760-1026

睇醫生可能要book or如果未即時去到既話,可以做住以下既野先:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好),加上多一隻鼠易令生病既鼠多一分受細菌感染既機會,而且佢地好可能已打交
2)保持環境乾爽清潔,避免有更多細菌再令鼠鼠受感染
3)唔好俾風直接吹到鼠鼠,要鼠鼠保持溫暖
4)俾一d有營養既野佢食.可以試下俾d麥片or白麵包佢
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既

B.而眼除左打唔開仲有冇流眼水or腫之類?係唔係盲就要睇返係咩情況,雖然鼠鼠就算盲都唔會太大影響(因為鼠鼠係夜行動物,好少靠眼睛既),但最怕有細菌感染,細菌感染係會致命,最好當然如之前講既,睇鼻既粒同時睇埋醫生,而睇醫生同時都可留意以下既事:

如果鼠鼠開唔到眼or有塵,可以幫鼠鼠抹眼
用藥用棉花,加少少微暖既水,抹下鼠鼠隻眼,如果係開唔到眼,就可以用極微既力去試下打開鼠鼠既眼(冇信心控制力度就唔好試),如果係有塵既話,應該可以打得開,都係打唔開就可能已經發炎

同時建議你做既野如下:
1)角膜結膜炎多數係因為環境污糟or整傷左隻眼引致既.檢查下環境有冇d咩物品會整到佢
2)木糠會唔會太碎太尖呢?(較平既木糠一般都係會較碎)
3)如果有第隻鼠一齊住既話,就要分籠,因為好易係因為打傷而做成既,加上有多隻鼠既話會增加細菌感染or乘虛打傷既機會
4)如果佢係開唔到眼,將水,食物放近佢,如果佢都係唔識去食既話,要餵佢食野,睇下食唔食
5)鼠鼠眼睛咁樣,應該會對外界更加驚,所以冇必要都俾鼠鼠靜下,保持安靜
6)保持個籠乾爽清潔,減少細菌感染既機會
7)眼疾好難自己去醫,所以最好就帶鼠鼠去睇醫生啦,市面上我都見過都有d眼藥水既,但係咪真係適合用就好難講,始終就咁講唔可能100%肯定係咩問題.所以最好係去睇獸醫

2008-04-27 15:53:23 補充：
生粒粒好難自己好返,就算係良性腫瘤,唔致命都唔會自己冇左既,不過良性既話食多d有營養既野食,就可令腫瘤搶走鼠鼠既營養時,令鼠鼠唔會營養不足

而且你既鼠鼠眼都有問題,最好可以睇醫生處理

檢查鼠鼠當然要消毒好自己雙手,同埋可以用手術用既膠手套,咁就會衛生好多

my friend hava a lot of 倉鼠, her 倉鼠鼻生瘡. she don't know how to do.
Thank you very much.
I can find the answer in this question!!
THX

那隻眼如果只是沒有增開就應該只是因為鼻上的瘡而增唔開，但是如果增開了但是白色，就可能是瞎了。
鼻生瘡只好去看獸醫。

我隻倉鼠之前前爪生瘡，冇去看獸醫，結果瓜了…